மகிழ்ச்சியான வாழ்கைக்கு வீட்டு பட்ஜெட் திட்டம் அவசியம் பாஸ்..!

பட்ஜெடின் முக்கியதுவம்

ஒரு மகிழ்ச்சியான குடும்பம் இருக்குமென்றால் அங்கு பட்ஜெட் நல்ல முறையில் போடப்பட்டு ஒழுங்கான முறையில் குடும்பம் நடத்த படுகின்றது என்று அர்த்தம். அப்படி போடும் பட்ஜெட் புத்தி கூர்மையுடன் போடப்பட வேண்டும். ஏதோ ஏனோ தானோவென்று போடும் விளையாட்டு விஷயமில்லை இது.

ஆடம்பர செலவுகள்

சில நேரங்களில் பட்ஜெட் கையை கடிக்கும் என்றால் நன்றாக பாருங்கள் உங்கள் தேவையை மீறி டிவி, வீடியோ போன்று எதற்காவது ஆசை பட்டு வீண் ஆடம்பரத்திற்காக வாங்கி இருப்பீர்கள்.

திட்டமிடுதல்

ஒரு பொருளை வாங்க முடிவு செய்தால் உங்கள் அன்றாட தேவைகள் பாதிக்காத படி வாங்க வேண்டும். அதற்காக முன்கூட்டியே திட்டம் தீட்ட வேண்டும்.

இழப்பு அதிகம்

ஆடம்பரம் உங்கள் பட்ஜெட்டை மீற செய்யும். அன்றாட தேவை என்று எண்ணி ஆடம்பர செலவுக்கு பணம் செலவு செய்து வருவோம். ஆனால் அது நமக்கு புரியும் போது நாம் இழந்தது அதிகமாக இருக்கும். ஆகவே எது அவசியம் எது தேவையற்ற செலவு என்பதை முன்கூட்டியே திட்டம் தீட்டி செயல்பட்டால் நீங்களும் பட்ஜெட் பத்பனாபன்தான்.

வாழ்க்கை துணைவியின் உதவி

சில நேரத்தில் முடிவு எடுக்க முடியாமல் உங்கள் வாழ்க்கை துணையின் உதவியை கேட்பீர்கள். ஆனால் அது சில நேரத்தில் மேலும் உங்களுக்கு கஷ்டத்தை சேர்க்கும். சில நேரத்தில் கூடுதல் பலன் தரும். ஆகவே அடுத்தவர்களிடம் கேட்டாலும் நீங்கள் நன்கு ஆராய்ந்து பின் முடிவை எடுக்க வேண்டும்.

துவக்கத்தில் கசக்கும், பின்பு இனிக்கும்..

ஆரம்பத்தில் பட்ஜெட்டு போட்டு குடும்பம் நடத்துவதில் சிரமம் இருக்கதான் செய்யும். ஆனால் போக போக இவ்வளவுதானா என்று புரியும். அதன் பின் உங்கல் நிம்மதி உங்கள் கையில்.

பட்ஜெட் எக்ஸ்பட்

உங்கள் பட்ஜெட்டை போட்ட பின் அதை ஒரு இரண்டு மூன்று மாதங்களுக்கு போட்டு முடித்து செயல் படுத்தி விட்டீர்கள் என்றால் உங்கள் பட்ஜெட்டை நிர்வகிக்கும் திறன் உங்களுக்கு வந்து விட்டது என்று அர்த்தம். எனவே கவலை இல்லாமல் உங்கள் அன்றாட தேவைகளை பூர்த்தி செய்து கொள்ள முடியும்.