நீங்கள் எங்கே வேலை செய்தாலும் அது எந்த வகை வேலையாக இருந்தாலும், சில பொதுவான வகைகளில் உள்ளடக்கக்கூடிய சக ஊழியர்களைக் கண்டிப்பாக சந்திக்க வேண்டும்.
நீங்கள் விரும்பினாலும் அல்லது விரும்பாவிட்டாலும், நீங்கள் ஒவ்வொரு நாளும் அவர்களைச் சந்திக்க வேண்டும். அது வரவேற்பறை, காபி இயந்திரம் அருகே அல்லது அலுவலக உணவகம் போன்ற எந்த இடமாக வேண்டுமானாலும் இருக்கலாம். ஆனால் உங்களால் இவர்களிடம் இருந்து தப்பிக்க இயலாது.
உங்கள் பணியிடத்தைச் சுற்றி பாருங்கள். அங்கே நீங்கள் கீழ் காணும் வகைகளில் உள்ள ஊழியர்களைக் கண்டிப்பாக பார்ப்பீர்கள்.
1. அர்ப்பணிப்பு உணர்வுடன் வேலையே கதியாக இருப்பவர்கள்
அலுவலகத்தை இரண்டாவது வீடாகக் கருதும் (அல்லது ஒருவேளை முதல் வீடாகக் கூட!) ஊழியர்கள் இவர்கள்.
இவர்கள் வேறு யாரும் அலுவலகத்தை அடையும் முன் முதல் மனிதராக அலுவலகத்தை அடைந்து விடுவார்கள். சந்தேகமே இல்லாமல் இவர்கள் கடைசி நபராக அலுவலகத்தை விட்டு வெளியேறுவர்.
இவர்கள் நாள் முழுவதும் மிகவும் பிஸியாகவே இருப்பர். அரிதாகவே இவர்கள் தங்கள் மேஜைகளை விட்டு வெளியேறுவர் மற்றும் இவர்களை இடைவெளி நேரத்தில் வெளியே மிக அரிதாகவே காண இயலும்.
2. வதந்தி வெறியர்கள்
இந்தச் சமூக பட்டாம்பூச்சிகள் அலுவலகத்தைச் சுற்றிச் சுற்றி வந்து தனக்கு தேவையான தகவல்களைச் சேகரிப்பார்கள் மற்றும் பிறருடன் கிசுகிசுக்களை பகிர்ந்து கொள்வார்கள்.
ஒரு நிறுவனம், தொழிற்துறை, அல்லது தனிமனிதர்களைப் பற்றிய பொதுவான செய்திகள் போன்று தங்களைச் சுற்றி நடக்கும் எதுவாக இருந்தாலும், அத்தகைய செய்திகளை அடிக்கடி புதுப்பித்துக் கொள்வர்.
ஜாக்கிரதை, நீங்கள் நேற்று மாலை யாருடன் எங்குச் சென்று என்ன செய்தீர்கள் என்பது வரை இவர்களுக்குத் தெரியும்.
3. ஒருபோதும் உணவுக்கு மறுப்பு ஏதும் சொல்லாதவர்கள்
உலகில் உள்ள தூய்மையான காதல் எது என இவர்களிடம் கேட்டால் சத்தியமாக உணவின் மீதான காதல்தான் என இவர்கள் சொல்லுவார்கள்.
ஒரு நாளின் எந்த ஒரு கட்டத்திலும், இவர்கள் உணவை அரைத்துக் கொண்டிருப்பதை நீங்கள் காணலாம். இவர்கள் உங்களுடைய லஞ்ச் பாக்சைத் திறந்து அனைத்தையும் சாப்பிட்ட பின்னர் அதுவும் போதாமல் அருகில் உள்ள பிரபலமான பிரியாணி கடையில் இருந்து ஒரு பிரியாணி ஆர்டர் செய்வார்கள். இவர்களை யாராலும் தடுத்து நிறுத்த இயலாது.
இவர்கள் அலுவலக கூட்டத்திற்கு தாமதமாக வரும் பொழுது, அதற்குரிய காரணமாக ஒரு சுவையான கேக் எனக் கூறக்கூடியவர்கள்.
4. லட்சிய வெறியர்கள்
இந்த வகை ஊழியர்கள், தங்களுடைய முதலாளி கூறிய அனைத்தையும் சிறிதும் இம்மி பிசகாமல் கடைப்பிடிப்பவர்கள். மேலும் தாங்கள் வெற்றி பெற மிக முக்கிய காரணங்களிலேயே இதை மிகவும் முக்கியமானதாக இதைக் கருதுவார்கள். மேலும் அதை வெளிப்படையாக அறிவிக்கவும் செய்வார்கள்.
இந்தக் குழு முதலாளியைக் கவர சிறந்த வழி, முதலாளியை 24x7 பின்பற்றுவது ஒன்றே என்று நினைக்கிறார்கள். இவர்கள் தங்களுடைய வாழ்வின் சிறு சிறு விஷயத்தில் கூட தங்களுடைய முதலாளியைக் காப்பி அடிப்பார்கள்.
5. வெட்கமற்று வழிபவர்கள்
நீங்கள் எங்கே வேலை செய்தாலும், அங்கே எப்பொழுதும் வழிந்துகொண்டே இருக்கும் சில ஜென்மங்களைக் காணலாம். இவர்கள் பிறர் விரும்புகின்றார்களே இல்லையோ, அதைப் பற்றி எல்லாம் கவலைப்படாமல் வழிவார்கள். இவர்களின் செய்கை பிறரைக் காயப்படுத்தினாலும், அதற்கெல்லாம் அசரமாட்டார்கள். இவர்களிடம் இருந்து மன்னிப்பு என்கிற வார்த்தை மட்டும் வெளிவராது.
இத்தகைய நபர்கள் தங்களுடைய அழகைப் பயன்படுத்தி தங்களைச் சுற்றி உள்ள அனைவரின் கவனத்தையும் தன் பக்கம் திருப்ப முயற்சிப்பார்கள்.
6. ஒரு போதும் ஆற்றல் குறையாதவர்கள்
இவர்கள் எப்போதும் துருதுருப்பாகவும், சுறுசுறுப்பாகவும் இருப்பார்கள். இவர்களைச் சுற்றி உள்ளவர்களிடமும் இவர்களின் சுறுசுறுப்பு ஒட்டிக் கொள்ளும். மேலும் இவர்கள் எல்லா விஷயங்களுக்கும் உற்சாகப்படுவார்கள்.
இவர்கள் வாழ்க்கை மற்றும் வேலையை எப்பொழுதும் ஒரு நேர்மறையான கண்ணோட்டத்தில் அணுகுவார்கள். இவர்கள் தங்களைச் சுற்றி உள்ள அனைவருக்கும் மகிழ்ச்சியைப் பரப்புவார்கள்.
7. பிரகாசமானவர்கள்
ஒரு அலுவலகத்தின் நட்சத்திர தொழிலாளர்கள். இவர்களால் அலுவலகத்தில் உள்ள அனைவருக்கும் பெருமை.
பொதுவாக இவர்கள் வேலையைப் பற்றி நேர்மையான எண்ணம் உடையவர்கள். தங்களின் மீது உள்ள எதிர்பார்ப்புக்கு ஏற்ப வேலையை முடித்துக் கொடுப்பவர்கள். இவர்களால் முதலாளி மற்றும் வாடிக்கையாளர்களுக்குப் பெருமை.
8. எரிச்சலான முகத்தை உடையவர்கள்
நீங்கள் எங்கே வேலை செய்தாலும், வெளித்தோற்றத்தில் எப்போதும் எரிச்சலாகக் காணப்படும் ஒருவரைக் கட்டாயம் காணலாம்.
இவர்களுக்கும் நகைச்சுவைக்கும் வெகு தூரம். இவர்கள் ஒரு பொழுதும் நகைக்சுவைக்கு சிரிக்க மாட்டார்கள். இவர்கள் கண்டிப்பாக வேடிக்கை வினோத திட்டங்களில் பங்கு பெற மாட்டார்கள்.
உலகில் உள்ள எந்த ஒரு சக்தியாலும் இவர்களைச் சிரிக்க வைக்க முடியாது. அவ்வாறு இவர்கள் சிரித்து விட்டால் அது உலக அதிசயமாகக் கருதப்பட்டு அவர்களின் சக ஊழியர்களால் கொண்டாடப்படும்.
9. எப்போதும் தாமதமாக வருபவர்கள்
இவர்கள் ஒருபோதும் அலுவலகத்திற்குச் சரியான நேரத்திற்கு வருவதில்லை. இவர்களின் வாழ்வில் 'நேரம் தவறாமை' என்கிற வார்த்தைக்கு இடமே இல்லை.
இவர்கள் தங்களின் தாமதத்திற்கு பல்வேறு காரணங்களுடன் எப்பொழுதும் தயாராக இருப்பார்கள். உத்தியோகபூர்வமான கூட்டங்களுக்கு ஒரு மணி நேரத்திற்கு முன்னர் வரும்படி இவர்களுக்கு அழைப்பு அனுப்பப்படும். அதற்கான காரணத்தை சொல்லத் தேவையில்லை.
உங்களுடைய சக ஊழியர்கள் எவ்வாறு இருந்தாலும், அலுவலகம் அவர்களை இல்லாவிட்டாலும், உங்களை உங்கள் அலுவலகம் கட்டாயம் உள் இழுத்து விடும். இந்த உண்மையை யாராலும் மறுக்க முடியாது.
அவர்களின் வழக்கமான விசித்திர குணங்களே அலுவலகத்தில் உங்களுக்கான பொழுதுபோக்கு. அதுவே மிகவும் சிரமமான சூழ்நிலைகளில் உங்களைத் திசைமாற்றி விடாமல் காப்பாற்றி வருகின்றது.