சென்செக்ஸ் மற்றும் மாஸ்டர் பிளாஸ்டர் சச்சின் டெண்டுல்கர் இருவருக்கு இடையிலும் பெறும் ஒற்றுமை இருக்கின்றது. மும்பை பங்குச் சந்தை குறியீடான சென்செக்ஸ் டெண்டுல்கர் வாழ்க்கை வரலாற்றுத் திரைப்படமான சச்சின்: ஏ பில்லியன் டாலர் டிரீம்ஸ் திரைப்படம் வெளியான அன்று வரலாறு காணத உச்சமான 31,000 புள்ளிகளை எட்டியுள்ளது.
இதற்கும் சச்சினிக்கும் என்னடா சம்மந்தம் என்று நீங்கள் என்னைப் பார்த்து கேட்பது புரிகின்றது. இது ஒன்றை வைத்து மட்டும் நீங்கள் இடை போட வேண்டும். பின் வரும் விவரங்களை வைத்து முடிவு செய்யுங்கள்.
தற்செயல்?
தற்செயகாக நடந்த ஒன்று தான் ஆனாலும் என்னவென்று இங்குப் பார்ப்போம். 2005-ம் ஆண்டுச் சென்செக்ஸ் 10,000 புள்ளிகளை எட்டிய அதே ஆண்டுத் தான புகழ்பெற்ற கிரிக்கெட் வீரரான சச்சின் 10,000 டெஸ்ட் ரன்கள் அடித்தார்.
2011 ஆண்டு நடந்த நிகழ்வு
இதே போன்று 2011-ம் ஆண்டுச் சென்செக்ஸ் 15,000 புள்ளிகள் எட்டியது. அதே ஆண்டுச் சச்சினின் டெஸ்ட் கிரிக்கெட் ரன் 15,000- ஆனது.
2017
2017-ம் ஆண்டும் சச்சின் பங்குச் சந்தை இரகசிய ஒப்பந்தும் தொடர்கிறது என்று கூறலாம். ஆம், வெள்ளிக்கிழமை சச்சின்: ஏ பில்லியன் டாலர் டிரீம்ஸ் திரைப்படம் வெளியான அன்று சென்செக்ஸ் வரலாறு காணாத உச்சமான 31,000 புள்ளிகளை எட்டியுள்ளது.
யாருக்குத் தெரியும்?
சச்சின் மற்றும் மும்பை பங்கு சந்தை இடையிலான ஒப்பந்தம் இன்னும் எத்தனை ஆண்டுகள் தொடரும் என்று யாருக்கும் தெரியாது.
மும்பை பங்கு சந்தை
மும்பை பங்கு சந்தைக் குறியீடான சென்செக்ஸ் 278.18 புள்ளிகள் அதாவது 0.90 சதவீதம் உயர்ந்து 31,038.21 புள்ளிகளை எட்டியது.
தேசிய பங்கு சந்தை
தேசிய பங்கு சந்தையான நிப்டிக்கும் வெள்ளிக்கிழமை வரலாறு காணாத உட்சம் என்று கூறலாம், ஆம் 85.35 புள்ளிகள் தாவது 0.90 சதவீதம் உயர்ந்து 9,595.10 புள்ளிகளாக வர்த்தகம் ஆனது.