நாட்டின் மொத்த வரி வருவாய் 21% அதிகரிப்பு!!!

ஏப்ரல் மற்றும் மே மாதங்களுக்கான நாட்டின் மொத்த நேரடி வரி வருவாய் ரூ63,252 கோடியாக உயர்ந்துள்ளது. கடந்த ஆண்டின் இதே காலகட்டத்தில் சுமார் ரூ52,231 கோடியாக இருந்தது. கடந்த நிதி ஆண்டுடன் ஒப்பிடும் பொழுது இது சுமார் 21% அதிகம் என அரசாங்கத் தரவுகள் தெரிவிக்கின்றன.

கார்பரேட் வரி வருவாய் சுமார் 14.91% உயர்ந்து, ரூ 27,957 கோடியாக இருக்கிறது. கடந்த நிதி ஆண்டின் இதே பருவத்தில் சுமார் ரூ24,329 கோடியாக இருந்தது. நாட்டின் மொத்த தனிநபர் வருமான வரி வருவாய் சுமார் 27.29% அதிகரித்து ரூ34,805 கோடியாக இருக்கிறது. கடந்த நிதி ஆண்டின் இதே பருவத்தில் ரூ 27,343 கோடியாக இருந்தது.

நாட்டின் நேரடி வரி வருவாய் சுமார் 6.44% அதிகரித்து ரூ37,576 கோடியாக உள்ளது. கடந்த நிதி ஆண்டின் இதே பருவத்தில் இது ரூ 35,322 கோடியாக இருந்தது என தரவுகள் தெரிவிக்கின்றன.

நிகர சொத்து வரி சுமார் 86.67% வளர்ச்சியடைந்துள்ளது. கடந்த நிதி ஆண்டில் ரூ15 கோடியாக இருந்த மொத்த வசூல் இந்த ஆண்டு 28 கோடியாக வளர்ந்துள்ளது.அதேசமயத்தில் பங்கு பரிவர்த்தனை வரி வசூல் இந்த நிதியாண்டில் சுமார் -14.63% வளர்ச்சியடைந்துள்ளது. கடந்த நிதியாண்டில் சுமார் ரூ 540 கோடியாக இருந்த இந்த வரிவசூல் இந்த நிதியாண்டில் ரூ 461 கோடியாக சரிந்துள்ளது.