ஜூலை-செப்டம்பர் மாத இறுதியில் தன்னுடைய வருமானம் 1.62-1.65 பில்லியன் அமெரிக்க டாலர்கள் வரை வரலாம் என இந்நிறுவனம் எதிர்பார்க்கிறது. நிறுவனத்தின் செயல்திறனை பற்றி விப்ரோவின் தலைவர் அசிம் பிரேம்ஜி கூறுகையில், "நேர்மறையான பொருளாதார வளர்ச்சி பெரியளவில் உள்ளதால், வாடிக்கையாளர்களின் மத்தியில், அதிக நம்பிக்கையுடன் இருக்கிறோம்". சென்ற வருடத்துடன் ஒப்பிடுகையில், ஆபரேஷன் துறையில் நிறுவனத்தின் நிகர வருமானம் அமெரிக்க டாலர்களில் 11%-ஆக உயர்ந்துள்ளது. அதன் மதிப்பு 273 மில்லியன் அமெரிக்க டாலராகும்.
இதே காலத்தில் வருமானம் 5% உயர்ந்து 1.64 பில்லியன் அமெரிக்க டாலரை தொட்டது. " புதிய பல பெரிய வணிகங்கள் கிடைப்பதை நாங்கள் கண் கூட பார்க்கிறோம். இது இந்த காலாண்டில் அழுத்தமான வணிகத்தை ஏற்படுத்தும். எங்கள் வாடிக்கையாளர்கள் வளர்ச்சி அடையவும், லாபத்தை அதிகரிக்கவும், நிறுவனத்தின் நடவடிக்கைகளை சுறுசுறுப்பாக மாற்றவும் தொழில் நுட்பத்தை எதிர்பார்க்கிறார்கள்," என்று விப்ரோவின் தலைமை நிர்வாக அலுவலர் மற்றும் நிர்வாக இயக்குனர் TK குரியன் கூறியுள்ளார்.
விப்ரோவின் ஐ.டி. சேவைகளின் வருமானம் ஒவ்வொரு வருடமும் 4.9% கூடுகிறது. அதன் தொடர்ச்சியாக 0.20% அதிகரித்து 8,936 கோடி ரூபாயாக நிற்கிறது. விப்ரோவின் வருமான வளர்ச்சி அதன் போட்டி நிறுவனங்களுடன் ஒப்பிடுகையில் பின்தங்கியே நிற்கிறது. இந்த காலாண்டில் TCS மற்றும் இன்போசிஸ்சின் வருமானம் 21% மற்றும் 17% வரை உயந்துள்ளது. TCS-இன் முதல் காலாண்டின் லாபம் 16% ஆக உயர்ந்துள்ளது. இதுவே இன்போசிஸ்சின் லாபம் 3.7% அதிகரித்துள்ளது. நேற்று பாம்பே பங்குச் சந்தையில் விப்ரோ பங்குகள் அதிகபட்சமாக 1.74%-க்கு 408.50 ரூபாய்க்கு மூடப்பட்டுள்ளது.