சிஏடியை கட்டுப்படுத்த பல்டி அடிக்கும் மத்திய அரசு!!!

By Super
Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

சிஏடியை கட்டுப்படுத்த பல்டி அடிக்கும் மத்திய அரசு!!!
நிதி அமைச்சகத்தின் முதன்மை பொருளாதார ஆலோசகரான திரு ரகுராம் ராஜன் அவர்கள், கடன் விகிதங்களைக் குறைத்து வளர்ச்சிக்கு ஆதரவாக இருக்கத் தலைப்படும் மத்திய வங்கியின் செயல்பாட்டுக்கு, முக்கிய தடைக்கல்லாக விளங்கும் நடப்பு கணக்கு பற்றாக்குறையை (சிஏடி) கட்டுப்படுத்துவதற்கு உபயோகப்படக்கூடிய மேலும் சில நடவடிக்கைகளைப் பற்றி அரசு விரைவில் அறிவிக்கும் என்று தெரிவித்துள்ளார்.

பணவீக்கம் மட்டுப்பட்டுக் கொண்டு வரும் இவ்வேளையில், அதிக அளவிலான சிஏடி மற்றும் ரூபாயின் வீழ்ச்சி ஆகியவற்றிக்கு தற்போது முன்னுரிமை அளிக்கப்பட வேண்டியவை என்று சுட்டிக்காட்டி, அதனால் முக்கிய பாலிஸி விகிதங்களில் தன் நிலைப்பாட்டை அப்படியே தொடர முடிவெடுத்திருக்கும் ஆர்பிஐயின் தீர்மானத்திற்குப் பிறகே ராஜன் அவர்களின் இந்த அறிக்கை வெளியாகியுள்ளது.

 

"நாங்கள் ஏற்கெனவே அந்நிய நேரடி முதலீட்டை தாராளம் ஆக்குவதற்கான சில நடவடிக்கைகளை மேற்கொண்டுள்ளோம். சிஏடிக்கு நிலையான மற்றும் தொடர்ச்சியான நிதி பரிபாலனம் செய்யக்கூடிய இதர வாய்ப்புகளையும் நாங்கள் ஆராய்ந்து கொண்டிருக்கிறோம். குறிப்பாக மேற்கொள்ள வேண்டிய நடவடிக்கைகளைப் பற்றி நாங்கள் அடுத்த சில வாரங்களில் அறிவிப்போம்." என்று அவர் கூறியதாக மீடியா தகவலறிக்கை ஒன்று உரைக்கிறது.

 

பல்வேறு பணிகளுக்கிடையில், பிரதமர் மன்மோஹன் சிங் அவர்கள் சிஏடியை குறைப்பதற்கான வழி வகைககளைப் பற்றி கடந்த திங்களன்று தொழிற்துறை ஜாம்பவான்களுடன் விவாதித்திருக்கிறார். அந்நிய முதலீட்டாளர்களுக்கு சவரன் பத்திரங்கள் வழங்குதல், அத்தியாவசியமல்லாத இறக்குமதிகள் மீதான சுங்க வரியை உயர்த்துதல், ஏற்றுமதிகளுக்கு சலுகையளித்தல் போன்ற பல்வேறு நடவடிக்கைகள் பற்றி தொழிற்துறை தலைவர்களும், பிரதமரும் விவாதித்துள்ளனர்.

"இந்திய ரிசர்வ் வங்கி (ஆர்பிஐ) அதற்குண்டான கடமைகளை செவ்வனே செய்து வந்தாலும், இறக்குமதிகளை குறைப்பது, ஏற்றுமதிகளை விரிவாக்கம் செய்வது மற்றும் ஊக்குவிப்பது போன்ற சில நடவடிக்கைகளை மேற்கொள்ளலாமா என்று ஆராய்வதன் மூலம் அரசாங்கமும் சிஏடியை குறைக்க பிரயத்தனம் மேற்கொண்டுள்ளது." என்றும் திரு ராஜன் அவர்கள் தெரிவித்துள்ளார்.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

Govt to announce further steps to curb CAD: Raghuram Rajan

Government will announce more steps to curb the Current Account Deficit (CAD) which has become the only major hurdle in central bank's way to reduce the lending rates to support growth.
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X