மும்பை: உள்கட்டமைப்பு துறையில் முன்னணி நிறுவனமான லார்சென் அண்ட் டௌப்ரொ (L & T ) நிறுவனம், கடந்த வெள்ளியன்று வெளியிட்டுள்ள அறிக்கையில் கடந்த காலாண்டில் சில ஒருதர லாபங்கள் நிறுவனத்திற்கு கிடைக்காததால், அதன் நிகரலாபம் 14% வீழ்ச்சி அடைந்து 977.5 கோடி ரூபாய் என கூறியுள்ளது.
மேலும் இந்நிறுவனத்தின் 2ஆம் காலாண்டு முடிவுகளை விவரமாக இப்பொழுது பார்ப்போம்.
நிகர லாபம்
இந்நிறுவனம் இரண்டாம் காலாண்டு முடிவுகளை வெளியிட்டதை தொடர்ந்து, இந்நிறுவனத்தின் நிகர லாபம் 1,137.3 கோடி ருபாய் என அறிவித்திருகின்றது. இதில், விதிவிலக்கான லாபம் 214.3 கோடி ரூபாய் மற்றும் அசாதாரண லாபம் 52.9 கோடி ரூபாயும் அடங்கும்.
விற்பனை
இருப்பினும், L & T யின் மொத்த விற்பனை நடப்பு காலாண்டில் சுமார் 10% உயர்ந்து 14,505.5 கோடி ரூபாயாக இருந்தது. இது, கடந்த நிதியாண்டின் ஜூலை- செப்டம்பர் காலாண்டு விற்பனை 13,195.23 கோடி ரூபாயாக இருந்தது என மும்பை பங்கு சந்தைக்கு அளித்த அறிக்கையில் தெரிவித்துள்ளது.
விற்பனை உயர்விற்கு காரணம்??..
இந்நிறுவனத்தின் மின்திறன், ஹைட்ரோகார்பன், உலோகவியல் மற்றும் பொருள் கையாளும் துறைகளின் வருவாய் நிகழும் காலாண்டில் வீழ்ச்சி அடைந்த போதிலும், உள்கட்டமைப்பு துறையின் சிறந்த செயல்திறன் மற்றும் "இதர" தொழில் துறைகள் லாபம் தான் இந்த விற்பனை உயர்விற்கு காரணம் எனத் தெரிவித்துள்ளது.
53% உயர்வு
உள்கட்டமைப்பு விற்பனைத்துறையின் வருவாய் 30.76% உயர்ந்து 7,198.44 கோடி ரூபாய் என அறிவித்தது. மேலும் "இதர" தொழில் துறைகளான, ஒருங்கிணைக்கப்பட்ட பொறியியல் துறைகள், கப்பல் கட்டுதல் மற்றும் இடமேம்பாடு தொழில்களின் வருவாய் 53% உயர்ந்து 527.36 கோடி ரூபாயாக இருந்தது.
வீழ்ச்சி அடைந்த துறைகள்
இன்னொருபுறம், நீரகக்கரிமம் தொழிலின் வருவாய் 9% வீழ்ச்சி அடைந்து 2,231.6 கோடி ரூபாயாகவும், மின்திறன் தொழில் வருவாய் 40% வீழ்ச்சி அடைந்து 1,186.16 கோடி ரூபாயாகவும், உலோகவியல் மற்றும் பொருள் கையாளும் துறைகளின் வருவாய் 23% வீழ்ச்சி அடைந்து 1,115.11 கோடி ரூபாயாகவும் இருந்தது.
நிறுவனத்தின் மொத்த செலவினம்
L&T யின் மொத்த செலவு 13,324.17 கோடிகளை ஈட்டியுள்ளது. இது அதனுடைய நிகர விற்பனையில் இருந்து 91.8 சதவீதமாகும்.