ஹவுசிங் டெவலெப்மெண்ட் ஃபைனான்ஸ் கார்ப்பரேஷன் லிமிடெட் (HDFC) தனது இரண்டாம் காலாண்டு முடிவுகளை சென்ற வார இறுதியில் வெளியிட்டது. இந்நிறுவனம் இந்தியாவின் மிக பெரிய அடமான கடன் நிறுவனமாகும், மேலும் ஹெச்டிஎஃப்சி மும்பையை தலைமை இடமாக கொண்டு செயல்படுகிறது.
காலாண்டு முடிவுகளை வெளியிடும் போது இந்நிறுவனத்தின் தலைமை நிர்வாக அதிகாரி தீபக் பரேக் கலந்து கொண்டார். மேலும் ஹெச்டிஎஃப்சி நிறுவனத்தின் காலாண்டு முடிவுகளை தற்போது பார்ப்போம்.
மொத்த லாபம்
2013 நிதியாண்டின் முடிவில் இந்நிறுவனத்தின் மொத்த லாபம் 1,266.33 கோடியாகும், கடந்த ஆண்டு இதே காலாண்டை ஒப்பிடுகையில் 10 சதவிதம் அதிகமாகும்.
மொத்த சொத்து மதிப்பு
நடப்பு காலாண்டில் இந்நிறுவனத்தின் சொத்து மதிப்பு 2,12,071 கோடியாகும் கடந்த காலாண்டை ஒப்பிடுகையில் இந்த ஆண்டு 17 சதவிதம் அதிகரித்தது. கடந்த இதே காலாண்டில் இதன் மதிப்பு 1,80,637 கோடி மட்டுமே.
கடன் தொகை
இந்நிறுவனத்தின் நடப்பு காலாண்டில் கடன் புத்தகத்தில் குறிப்பிட்ட படி இந்நிறுவனம் சுமார் 1,84,886 கோடியை கடனாக அளித்துள்ளது. இத்தொகை கடந்த ஆண்டை விட 30,000 கோடி அதிகமாகும். கடனுக்கான குறைந்த வட்டி விகிதம் 4.1 சதவிதம்.
செயற்படா கடன்கள்
இந்நிறுவனம் அளித்த கடன் தொகையில் செயற்படா கடன்களாக இந்த வருடம் 1,473 கோடியாக உள்ளது. இது மொத்த கடன் தொகையில் 0.79 சதவிதமாகும்.
ஒட்டுமொத்த நிகர லாபம்
இந்நிறுவனத்தின் நிகர லாபம் 3,598.27 கோடியாகும் இது கடந்த ஆண்டை விட 26 சதவிதம் அதிகமாகும்.