நிதித் திட்டமிடல் என்றால் என்ன? நமக்கு எவ்வாறு உதவும்???

அளவிடத்தக்க இலக்கினை நிர்ணயம் செய்யவும்

நிதி திட்டமிடும்போது உங்கள் இலக்கு என்ன அதை எப்போது அடைய விரும்புகிறீர்கள் என்பதை மிகத்தெளிவாக வரையறுப்பது அவசியம். அதேபோன்று நன்கு அளவிடத்தக்க இலக்குகளை நிர்ணயிப்பதன் மூலம் அதை அடைய முடியுமா என்பதை புரிந்துகொள்ள ஏதுவாக இருக்கும்.

அலசி ஆராய்தல்

நிதியை திட்டமிடுதலில் ஒவ்வொரு முடிவும் மற்றொன்றோடு தொடர்புடையதாகவும், ஒன்று மற்றொன்றை பாதிப்பதாகவும் இருக்கும். எனவே ஒரு விளக்கமான நிதி திட்டமிடுதல் அவசியமாகிறது. இல்லையேல் இலக்கை அடைவது கடினம்.

மறு ஆய்வு

திட்டமிடுகையில், அவ்வப்போது உங்கள் நிதி நிலையை ஆய்வு செய்வது அவசியமாகிறது. உங்களுடைய வருமானத்தினை பொறுத்து உங்கள் செலவுககளும் மாறுபடும். திருமணம், குழந்தைகள், வீடு வாங்குதல் அல்லது வருமான உயர்வு போன்றவை இதை நிர்ணயிக்கும் நிதித் திட்டமிடுதல் சிக்கல் மற்றும் கடினமான ஒன்று என்பதால், அதில் அவ்வப்போது மாற்றங்கள் செய்வதன் மூலம் உங்கள் நீண்டகால இலக்கின் பாதையில் சரியாக பயணிக்கலாம்.

முன்னதாகவே திட்டமிடுங்கள்

இயன்ற அளவு முன்னதாகவே நிதியை திட்டமிடுதல் உங்களுக்கு நன்மை தரும். சேமிப்பு, நிதி அளவீடு, முதலீடு போன்ற நிதி மேலாண்மை பழக்கங்களை முன்னதாகவே பழகுவதன் மூலம் நீங்கள் மாறிவரும் வாழ்கைக்கும் எந்த விதமான அவசர நிலைகளை எதிர்கொள்ளவும் உங்களை தயார் படுத்திக்கொள்ளலாம்.

ஆபத்துக்களை எதிர்கொள்ளுதல்

பணவீக்கம், பங்குச்சந்தை நிலவரங்கள், மற்றும் வட்டி விகிதங்கள் உங்கள் திட்டங்களை பாதிப்பதோடு, உங்கள் கட்டுப்பாட்டிலும் இல்லாதவை. எனவே இது போன்ற எதிர்பாராத திருப்பங்களுக்கு தயாராக இருங்கள்.