இந்தியாவின் லிட்டில் ஐ லேப்ஸ்.. இனி பேஸ்புக் வசம்!!

வல்லரசு பாதையை நோக்கி இந்தியா!!

இந்த சமீபத்திய முன்னேற்றங்கள் பன்னாட்டு நிறுவனங்களின் பார்வையில் பட தத்தளித்துக் கொண்டிருக்கும் இந்திய தொழில் தொடங்கும் சூழலை வலுப்படுத்தும் ஒரு மிக முக்கிய மைல் கல் என்று கூறலாம். இதன் மூலம் இஸ்ரேல் மற்றும் சிலி நாடுகளுக்கு அடுத்தபடியாக இந்தியா மேலும் ஒளிரும் நிலைக்கு வந்துள்ளது.

ரெட்பஸ் நிறுவன விற்பனை..

சமீபத்தில் நாச்பெர்ஸ் எனும் பன்னாட்டு நிறுவனம் இந்திய பேருந்து முன்பதிவு செய்யும் இணைய தளமான ரெட்பஸ்-ஐ வாங்கியதும் அதன் பிறகு தற்போது பேஸ்புக் நிறுவனம் மேற்கொண்டுள்ள முதலீடும், இந்திய தொழில் தொடங்கும் சூழலுக்கு பெரும் உறுதுணையாகவும் வழியாகவும் அமையும்.

பேஸ்புக் நிறுவனத்தின் புதிய தூண்..

"இந்த முயற்சியின் மூலம், லிட்டில் ஐ லேப்ஸ், பேஸ்புக் முயற்சிகளில் பங்கெடுத்து மொபைல் மென்பொருட்கள் முன்னேற்றத்தில் அடுத்த கட்டத்தை அடைய முயலும். இது பேஸ்புக் நிறுவனத்தின் முதல் இந்திய முதலீடு என்பதோடு, நாங்கள் அதுபோன்ற ஒரு சிறந்த அணியில் சேர்வதில் மிகவும் மகிழ்ச்சியடைகிறோம்" என அந்நிறுவன இணையதள அஞ்சல் குறிப்பு தெரிவிக்கிறது.

கலிபோர்னியா பயணம்..

இந்த ஒப்பந்தம் முடிந்த கையேடு, ஒட்டுமொத்த லிட்டில் ஐ லேப்ஸ் அணியும், கலிபோர்னியாவில் உள்ள பேஸ்புக் நிறுவன தலைமையகம் அமைத்துள்ள மென்லோ பார்க்கிற்கு இடம் மாற்றம் செய்ய உள்ளது.

முக்கிய பணிகள்..

அங்கு பேஸ்புக் நிறுவனத்தின் புதிய வர்த்தக முயற்சியான மொபைல்களுக்குத் தேவையான திறன் குறைபாடுகளை நீக்கும் கருவிகளை உருவாக்கும் முயற்சிகளைத் தொடரும்.

முதலீட்டு உதவி!!

லிட்டில் ஐ லேப்ஸ் வேஞ்சரீஸ்ட் மற்றும் ஜிஎஸ்எஃப் ஆகிய முதலீட்டாளர்களின் முதலீடுகளின் துணையோடு நடத்தப்படுகிறது.