இன்றைய வர்த்தக நிலவரம்!! தங்கம் விலை உயர்வு.. ரூபாய் மதிப்பு சரிவு..

சென்னை: இன்றைய வர்த்தகம் துவக்கம் முதல் பங்கு சந்தையில் அதிகளவில் முன்னேற்றம் காணப்பட்டது. இதனால் பங்கு சந்தையில் சென்செக்ஸ் 74.03 அடிப்படை புள்ளிகள் உயர்ந்து 20,926 புள்ளிகளை எட்டியது. அதேபோல் நிப்டியிலும் 16.55 அடிப்படை புள்ளிகள் உயர்ந்து 6216.60 புள்ளிகளை தொட்டது.

நாணயப் பரிமாற்றத்தில் இன்று ரூபாயின் மதிப்பு சரிவை தழுவியது. கடந்த 3 நாட்களாக உயர்ந்த ரூபாயின் மதிப்பு இன்று வர்த்தக துவக்கத்திலேயே 8 காசுகள் சரிந்து டாலருக்கு நிகரான இந்திய ரூபாயின் மதிப்பு 62.02ரூபாயாக உள்ளது. மேலும் இன்றைய வர்த்தகம் முடியும் தருவாயில் ரூபாயின் மதிப்பு இன்னும் சரிய வாய்ப்புள்ளதாக வல்லுனர்கள் தெரிவிக்கின்றனர்.

இன்று பங்கு சந்தை மற்றும் நாணயப் பரிமாற்றம் சாதகமற்ற நிலையில் உள்ளதால் தங்கம் விலையில் பெரிய அளவில் எந்த விதமான மாற்றமும் இல்லை. இந்நிலையில் தங்கு 1 சவரனுக்கு 8 குறைந்துள்ளது.

இன்று 1கிராம் 24 கேரட் தங்கத்தின் விலை ரூ.3073.00, 22 கேரட் 1கிராம் ஆபரண தங்கத்தின் விலை 1ரூபாய் உயர்ந்து 2876.00 ரூபாய் என்ற விலை வர்த்தகம் செய்யப்படுகிறது.