அமேசான் நிறுவனத்தை தொடர்ந்து காப்பி அடிக்கும் ஃபிளிப்கார்ட்!!

By Super
Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

மும்பை: இந்தியாவின் முன்னணி ஆன்லைன் சில்லறை வர்த்தக நிறுவனமான ஃபிளிப்கார்ட், தற்போது டேப்லெட் தயாரிப்பிலும் இறங்கியுள்ளது. இந்நிறுவனத்தின் எலெக்ட்ரானிக்ஸ் தயாரிப்பு நிறுவனமான டிஜிஃபிளிப் என்ற பெயரில் இது விரைவில் விற்பனைக்கு வரும் என்று எதிர்பார்க்கப்படுகிறது.

 

டிஜிஃபிளிப் பெயரில் ஏற்கனவே கடந்த 2012 முதல் ஹெட்போன், ஸ்பீக்கர், பென் டிரைவ் உள்ளிட்ட ஏராளமான எலெக்ட்ரானிக் சாதனங்களை ஃபிளிப்கார்ட் நிறுவனம் விற்று வருகிறது. இந்த நிறுவனம் ஸ்மார்ட்போன் தயாரிப்பிலும் இறங்கும் என்று சில மாதங்களுக்கு முன்பே தகவல்கள் கிளம்பின.

இந்த வரிசையில் டேப்லெட் மட்டும்தான் பாக்கி என்று எல்லோரும் நினைத்துக் கொண்டிருக்கும் போதே, இதோ அதற்கான அறிவிப்பும் வந்து விட்டது.

ஆப்பிள், சாம்சங்

ஆப்பிள், சாம்சங்

ஆப்பிள் மற்றும் சாம்சங் ஆகிய நிறுவனங்கள் தான் உலக அளவில் டேப்லெட் தயாரித்து வந்தன. ஆப்பிள் நிறுவனத்தின் ஐபேட் உலகப் புகழ்பெற்றது அனைவரும் தெரிந்ததே! அதேபோல் சாம்சங் நிறுவனமும் பல மாடல்களில் டேப்லெட்டுகளைத் தயாரித்து, விற்றுக் கொண்டிருக்கிறது.

அமேசான்

அமேசான்

இதையடுத்து, இதே சில்லறை வர்த்தக உலகில் ஜாம்பாவான் என்று போற்றப்படும் அமேசான் நிறுவனத்தின் கிண்டில் ஃபயர் எச்டிஎக்ஸ் வெளியாகி டேப்லெட் ஆர்வலர்களிடையே அமோக வரவேற்பைப் பெற்றது. அமெரிக்காவில், விற்பனைக்கு வந்த ஒன்பதே மாதங்களில் மளமளவென்று அவை விற்றுத் தீர்ந்தன.

கடும் போட்டி
 

கடும் போட்டி

இப்படி விற்பனையில் சக்கைபோடு போட்ட அமேசானின் டேப்லெட்டுக்கு இணையாக (காஃபி அடிக்கும்) ஃப்ளிப்கார்ட் ஈடு கொடுக்க முடியுமா? மேலும் அமேசான் நிறுவனம் இந்தியாவில் தன்னுடைய விற்பனைகளை நீட்டிக்கவும் திட்டமிட்டுள்ளது. இந்தப் போட்டியையும் சமாளிக்க முடியுமா? என்று பல கேள்வி எழுந்துள்ளது.

உள்ளூர் போட்டியும் கூட

உள்ளூர் போட்டியும் கூட

டேப்லெட் விற்பனையில் உள்ளூர் நிறுவனங்களின் போட்டிகளையும் ஃபிளிப்கார்ட் நிறுவனம் சந்திக்க வேண்டியுள்ளது. உதாரணத்திற்கு, மைக்ரோமேக்ஸ் நிறுவனம் தன்னுடைய டேப்லெட்டுகளை ரூ.4,999 முதல் விற்று வருகிறது என்பது குறிப்பிடத்தக்கது.

மிந்த்ராவை மடக்கி...

மிந்த்ராவை மடக்கி...

ஆனாலும், எதையும் சாதிக்க முடியும் என்றே ஃபிளிப்கார்ட் நம்புகிறது. முதல் நடவடிக்கையாக, இந்தியாவின் மிகப்பெரும் ஃபேஷன் போர்ட்டலான மிந்த்ராவை அது வளைத்துப் போட்டுள்ளது. அமேசான் ஆடை விற்பனையில் இறங்க லாஸ் ஏஞ்சல்ஸ் உள்ள சில ஆடை தயாரிப்பு மற்றும் விற்பனை நிறுவனங்களை கைபற்றியைதை தொடர்ந்து, ஃபிளிப்கார்ட் மிந்த்ராவை கைபற்றியது.

'ஃபிளிப்கார்ட் ஃபர்ஸ்ட்' துவக்கி...

'ஃபிளிப்கார்ட் ஃபர்ஸ்ட்' துவக்கி...

மேலும் 'ஃபிளிப்கார்ட் ஃபர்ஸ்ட்' என்ற சேவை நடவடிக்கையையும் தொடங்கியுள்ளது. இதன்மூலம் வருடாந்திர சந்தாத் தொகை செலுத்தும் தன் வாடிக்கையாளர்களுக்கு ஏராளமான சலுகைகளை அள்ளிக் கொட்டிக் கொண்டிருக்கிறது. இத்தகைய சேவையை அமேசான் அமெரிக்காவில் தனது வாடிக்கையாளருக்கு வழங்கி வந்தது குறிப்பிடதக்கது.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

Flipkart plays by Amazon rules: May launch own brand of tablets

very soon, you may be able to buy Flipkart's own tablet. Following the footsteps of Amazon yet again, Flipkart is planning to launch tablets under its range of private label electronics, DigiFlip.
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X