முதன் முறையாக யாஹூ நிறுவனத்தை வென்ற மைக்ரோசாப்ட்!!

யாஹூ

யாஹூ நிறுவனத்தின் வளம்பர வருவாய் கடந்த வருடம் 2.7 சதவீதம் அதிகரித்து 3.53 பில்லியன் டாலராக உள்ளது. ஆனால் பிற நிறுவனங்களை ஒப்பிடுகையில் இந்நிறுவனத்தின் வளர்ச்சி மிகவும் குறைவு.

மைக்ரோசாப்ட்

நாடெல்லா தலைமை வகிக்கும் மைக்ரோசாப்ட் நிறுவனம் டிஜிட்டல் வருவாயில் 20 சதவீத வளர்ச்சியை கண்டுள்ளது. இதனால் இந்நிறுவனத்தின் விளம்பர வருவாய் 3.56 பில்லியன் டாலராக உள்ளது. மொத்த சந்தையில் மைக்ரோசாப்ட் நிறுவனத்தின் பங்கு 2.54 சதவீதம் என்பது குறிப்பிடதக்கது.

அசைக்க முடியாத இடத்தில் கூகுள்

ஆயிரம் நிறுவனங்கள் இத்துறையில் இருந்தாலும் முடிசூடா மன்னனாக இருப்பது கூகுள் நிறுவனம் தான். உலகின் மொத்த விளம்பர சந்தையில் கூகிள் நிறுவனத்தின் பங்கு 31.45 சதவீதம். அதேபோல் குறைந்த காலத்தில் உலகின் முகவரியை மாற்றிய பேஸ்புக் நிறுவனமும் இத்துறையில் முக்கிய பங்காற்றி வருகிறது. பேஸ்புக் நிறுவனத்தின் மொத்த சந்தை மதிப்பு 7.79 சதவீதமாக உயர்ந்துள்ளது.

மொத்த சந்தை

உலகில் இண்டர்நெட் பயண்பாட்டு தொடர்ந்து அதிகரித்து வருவதால் இந்த வருடம் டிஜிட்டல் விளம்பர வருவாய், கடந்த வருடத்தை விட சுமார் 16.7 சதவீதம் உயர்ந்து 140 பில்லியன் டாலராக உயரும் என சர்வே சொல்கிறது. அதே போல் பேஸ்புக் மற்றும் டிவிட்டர் ஆகிய நிறுவனங்கள் அதிகப்படியான வளர்ச்சியை சந்திக்கும் எனவும் இந்த சர்வே கூறுகிறது.