மும்பை: நாட்டில் மொத்த விலை பணவீக்கத்தின் அளவு குறைவாக இருக்கும் நிலையில் தங்க இறக்குமதிக்கான தளர்வுகளை மத்திய அரசு அறிவித்துள்ளது. இதன் மூலம் வங்கிகள் மற்றும் நகை கடை உரிமையாளர்கள் அதிகளவிலான தங்கத்தை இறக்குமதி செய்ய உள்ளதாக இந்தியன் புல்லியன் சந்தை தெரிவித்துள்ளது.
அதுமட்டும் அல்லாமல் சர்வதேச சந்தையில் தங்கத்தின் மீதான வர்த்தகம் இன்னமும் மந்தமாக இருக்கும் நிலையில், இந்தியாவில் தங்கம் விலை கிராமிற்கு 19 ரூபாய் குறைந்துள்ளது.
தங்கம்
நேற்றைய சந்தை முடிவில் 1 கிராம் 24 கேரட் தங்கம் விலை 2,720 ரூபாயாக இருந்தது. இன்று இதன் விலை 19 ரூபாய் குறைந்து 1 கிராம் 24 கேரட் தங்கத்தின் விலை 2,701 ரூபாயாக உள்ளது. 1 கிராம் 22 கேரட் தங்கத்தின் விலை 2,533 ரூபாயாக உள்ளது.
வெள்ளி
பொதுவாக தங்கம் விலை குறைந்தால் வெள்ளியின் விலையும் அதிகளவில் குறையும். இந்நிலையில் வெள்ளி நேற்றைய விலையான 37,345.00 ரூபாயில் இருந்து 2,451 ரூபாய் குறைந்து 34,893.54 ரூபாயாக உள்ளது.
டாலர் - ரூபாய்
அமெரிக்க டாலருக்கு எதிரான இந்திய ரூபாயின் மதிப்பு 13 பைசா சரிந்து 62.24 ரூபாயாக விற்கப்படுகிறது.
தங்க இறக்குமதி
நாட்டில் பணவீக்கம் குறைந்ததால் தங்க இறக்குமதி மீது இருந்த கட்டுப்பாடுகளை ரிசர்வ் வங்கி தளர்த்துள்ளது. இதன் மூலம் அடத்த 1 மாத காலத்தில் நாட்டில் தங்க இறக்குமதி அதிகரிக்கும் இதற்கு ஏற்றவாறு தங்கம் விலை குறைவாக உள்ளது.
பட்ஜெட் 2015
மேலும் தங்க இறக்குமதி வரியை மத்திய அரசு குறைக்கலாம் எனவும் எதிர்பார்க்கப்படுகிறது. இதற்கான அறிவிப்பு மத்திய அரசு பிப்.28ஆம் தேதி தனது பட்ஜெட் அறிக்கையில் அறிவிக்கும்ய