மும்பை: நாட்டின் முன்னணி தனியார் துறை வங்கியான ஐசிஐசிஐ, வீட்டுக் கடனுக்கான வட்டி விகிதத்தை 25 அடிப்படைப் புள்ளிகள் குறைத்துள்ளது.
இதனால் வீட்டுக்கடன் வழங்குவதில் ஸ்டேட் பாங்க் ஆஃப் இந்தியாவிற்கும், ஐசிஐசிஐ வங்கிகளுக்கும் கடுமையான போட்டி உருவாகியுள்ளது.
வட்டிக் குறைப்பு
ஐசிஐசிஐ வங்கி அறிவித்த வட்டிக் குறைப்பின் மூலம் பெண்கள் மற்றும் குறைந்த வருமானம் உடையவர்களுக்கு 9.85 சதவீதமாகவும், மற்றவர்களுக்கு 9.9 சதவீதத்தில் வீட்டுக் கடன் அளிக்க இவ்வங்கி முடிவு செய்துள்ளது.
ஐசிஐசிஐ வங்கியின் நிலை வட்டி விகிதம் (Base rate) 9.75 சதவீதம்.
நிலை வட்டி விகிதம்
பேஸ் ரேட் என்பது ஒரு வங்கி ரிசர்வ் வங்கியிடம் இருந்து பெறப்படும் தொகைக்கான வட்டி வகிதம். இதை அடிப்படையாக கொண்டே வங்கிகள் தங்களது வாடிக்கையாளர்களுக்கு சிறிய அளவிலான வித்தியாசத்துடன் கடன் அளிக்கிறது.
10 வருட கடன்
இந்த வட்டிக் குறைப்புக்கான அறிக்கை வெளியிடும் போது ஐசிஐசிஐ வங்கி தனது வாடிக்கையாளர்களுக்கு 30 லட்சம் ரூபாய் மதிப்புடைய கடனுக்கு 9.9 சதவீத நிலையான வட்டி வகிதத்தில் 10 வருட கடன் அளிக்க உள்ளதாக தெரிவித்தது.
ஏபர்ல் 10
இந்த வட்டிக்குறை ஏப்ரல் 10 ஆம் தேதி முதலே அமல்படுத்தப்படும் என இவ்வங்கி தெரிவித்துள்ளது. இந்த இடைப்பட்ட தேதியில் கடன் பெற்றவர்களுக்கும் இந்த வட்டி விகிதம் பொருந்தும் என்பது பொருள்.
ஸ்டேட் பாங்க் ஆஃப் இந்தியா
ஞாயிற்றுக்கிழமை ஸ்டேட் பாங்க் ஆஃப் இந்தியா 10 அடிப்படை புள்ளிகள் குறைத்து பெண்களுக்கு 8.85 சதவீதமாகவும், மற்றவர்களுக்கு 8.9 சதவீதத்தில் வீட்டுக் கடன் அளிக்க உள்ளதாக தெரிவித்தது.