இந்தியாவில் பைக் விற்பனையை விடக் கார் விற்பனை அமோகம்..

மும்பை: 2015ஆம் ஆண்டின் ஏப்ரல் மாதத்தில் உள்நாட்டுச் சந்தையில் பைக் விற்பனையை விடக் கார் விற்பனை மிகவும் சிறப்பாகஉள்ளதாக இந்திய ஆட்டோமொபைல் உற்பத்தியாளர்கள் அமைப்பு (SIAM) தெரிவித்துள்ளது.

2015ஆம் ஆண்டின் ஏப்ரல் மாதத்தில், உள்நாட்டுச் சந்தையில் மட்டும் சுமார் 1,59,548 கார்கள் விற்பனை செய்யப்பட்டுள்ளது,கடந்த வருடத்தை ஒப்பிடும் போது, இதன் அளவு 18.14 சதவீதம் அதிகமாகும்.

இதே காலக்கட்டத்தில் பைக் விற்பனை 2.77 சதவீதம் சரிந்து 8,81,751 ஆக உள்ளது. கடந்த வருடம் இதன் அளவு 9,06,909 என்றஎண்ணிக்கையில் இருந்தது.

மேலும் வர்த்தக வாகனங்களின் எண்ணிக்கை 6.48 சதவீதம் உயர்ந்து 45,872 ஆக உள்ளது.

ஏப்ரல் மாதத்தில் மொத்த வாகன விற்பனையின் எண்ணிக்கை 1.91 சதவீதம் உயர்ந்து 15,83,551 ஆக உள்ளது.