உலகிலேயே வேகமாக வளர்ந்தும் வரும் நாடுகளில் முதல் இடத்தில் இருந்த இந்தியா பணமதிப்பிழப்பு நடவடிக்கையின் மூலம் தனது இடத்தைச் சீனாவிடம் இழந்தது.
இந்நிலையில் 2016ஆம் ஆண்டில் டிசம்பர் மாதத்துடன் முடிந்த 4வது காலாண்டில், சீனா கணிப்புகளையும் தாண்டி 6.8 சதவீதம் வரை உயர்ந்துள்ளது.
கடந்த 3 ஆண்டுகளாகப் பல்வேறு வர்த்தகம் மற்றும் உள்கட்டமைப்பு பாதிப்புகளைச் சந்தித்த சீனா, 2016ஆம் ஆண்டில் அதிகச் செலவுகள், குறைந்த வட்டியில் அதிகளவிலான கடன், வளர்ச்சிக்கான பல பணிகள் மூலம் குறைந்த காலகட்டத்திலேயே வளர்ச்சி பாதையை அடைந்தது.
ஆனால் இந்த நடவடிக்கைகள் மூலம் சீனாவின் கடன் அளவு வரலாறு காணாத அளவிற்கு உயர்ந்துள்ளது. இதன் மூலம் கடன் ஜிடிபி அளவுகள் 277 சதவீதம் வரை உயர்ந்துள்ளது. கடந்த வருடம் இதன் அளவு 254 சதவீதமாக இருந்து குறிப்பிடத்தக்கது.
மேலும் கடந்த 2 வருடத்தில் டிசம்பர் மாத காலாண்டிலேயே சீனா அதிகப்படியான வளர்ச்சியை அடைந்துள்ளது. இதனைத் தக்கவைத்துக்கொள்ள வேண்டுமெனில் மேலும் அதிகளவிலான செலவு செய்ய வேண்டிய சூழ்நிலையில் சிக்கியுள்ளது சீனா. இதனால் சீனா பொருளாதாரம் தற்போது மிகப்பெரிய பாதிப்பில் உள்ளது உறுதியாகியுள்ளது.