பிராட்பேண்ட் சேவையில் பட்டையை கிளப்பும் 'ஜியோ'.. வெறும் 6 மாதத்தில் அசரடிக்கும் வளர்ச்சி..!

ரிலையன்ஸ் இண்டஸ்ட்ரீஸ் குழுமத்தின் டெலிகாம் வர்த்தக பிரிவான ஜியோ தனது முழுமையான சேவையை அறிமுகம் செய்து வெறும் 6 மாதங்கள் மட்டுமே ஆனா நிலையில், இந்தியாவின் மொத்த பிராட்பேண்ட் இணைப்பில் சுமார் 40 சதவீத இணைப்பை தன்னிடத்தில் வைத்துள்ளது என டிராய் அறிவித்துள்ளது.

பிராட்பேண்ட் இணைப்புகள்

பிப்ரவரி மாதத்தில் பிராட்பேண்ட் இணைப்பின் எண்ணிக்கை இந்தியாவில் 2.98 சதவீதம் வரை உயர்ந்துள்ளது. இதன் மூலம் 253.75 மில்லியனாக இருந்த பிராண்ட்பேண்ட் இணைப்பின் எண்ணிக்கை 261.31 மில்லியனாக உயர்ந்துள்ளது.

ஜியோ

இதில் ரிலையன்ஸ் ஜியோ நிறுவனத்தில் மட்டும் சுமார் 102.84 மில்லியன் இணைப்புகள் உள்ளது அதாவது வாடிக்கையாளர்கள்.

இது மொத்த எண்ணிக்கையில் சுமார் 40 சதவீதம் என்பது குறிப்பிடத்தக்கது.

போட்டி நிறுவனங்கள்

ஜியோ நிறுவனத்தின் மிகப்பெரிய போட்டி நிறுவனமான எர்டெல் 46.69 மில்லியன் வாடிக்கையாளர்களுடன் மொத்த சந்தையில் 17.89 சதவீதத்தைக் கொண்டுள்ளது என டிராய் தெரிவித்துள்ளது.

இதனைத் தொடர்ந்து வோடபோன் 32.06 மில்லியன் வாடிக்கையாளர்கள், ஐடியா செல்லுலார் 24.31 மில்லியன், பிஎஸ்என்எல் 20.81 மில்லியன் வாடிக்கையாளர்களைக் கொண்டுள்ளது.