ஏர்டெல், மைக்ரோமேக்ஸ் கூட்டு.. கேன்வாஸ் 2 போனுடன் 1 வருட 4ஜி டேட்டா மற்றும் குரல் அழைப்புகள் இலவசம்!

1 வருட இலவச சலுகை

ஏர்டெல் வாடிக்கையாளர்கள் மைக்ரோமெக்ஸ் கேன்வாஸ் 2 ஸ்மார்ட்போனை வாங்கிப் பயன்படுத்தும் போது ஒரு வருடத்திற்குத் தினமும் 1 ஜிபி இணையதளத் தரவும், ஒவ்வொரு மாதமும் பிற நெட்வொர்க்குகளுக்கு 600 நிமிடங்கள் இலவச அழைப்புகளையும் செய்து மகிழலாம்.

52 கோடி முதலீடு

புதிய சலுகை திட்டத்திற்காக 8-10 மில்லியன் டாலர் அதாவது 52 கோடிகள் முதலீடு செய்ய முடிவு செய்யப்பட்டுள்ளது. இதனால் மைக்ரோமேஸ் நிறுவனம் குறைந்தபட்சம் 1 மில்லியன் அதாவது 10 லட்சம் கேன்வாஸ் 2 ஸ்மார்ட்போன்களை விற்பனை செய்ய முடிவு செய்துள்ளது.

விலை

மைக்ரோமேக்ஸ் கேன்வாஸ் 2 ஸ்மார்ட்போன்களின் விலையை 11,999 ரூபாய்க்கு அடுத்த 6 முதல் 8 மாதங்கள் வரை விற்பனை செய்ய முடிவு செய்துள்ளதாக வியாழக்கிழமை ராகுல் ஷர்மா தெரிவித்துள்ளார்.

சரிந்த வியாபாரம்

மைக்ரோமேஸ் நிறுவனம் சீன நிறுவனங்களான ஓபோ, விவோ, சியோமி உள்ளிட்ட நிறுவனங்களால் 10,000 முதல் 15,000 மதிப்புள்ள ஸ்மார்ட்போன் சந்தையில் தங்களது வியாபாரத்தைப் பெரிதளவில் இழந்தது. அதனை ஈடு செய்யும் விதமாகவும் சாம்சங் J சீரிஸ், மற்றும் சீன நிறுவனங்களுக்குக் கேன்வாஸ் 2 பெறும் சவாலாக இருக்கும் என்று மைக்ரோமேக்ஸ் நம்புகின்றது.

நோக்கியா

இந்திய சந்தையில் பேர் போன மொபைல் போன் நிறுவனமான நோக்கியாவும் இதே விலையில் தான் தங்களது ஸ்மார்ட்போனை அறிமுகம் செய்ய இருப்பதாகத் தெரிகின்றது.