வரலாறு காணாத சரிவில் சில்லறை விலை பணவீக்கம்..!

மார்ச் மாதத்தில் 5 மாத உயர்வாக இருந்த நாட்டின் சில்லறை பணவீக்கம் ஏப்ரல் மாதத்தில் வரலாறு காணாத விதமாக 2.99 சதவீதம் என்ற மிகவும் குறைந்த அளவீட்டைப் பதிவு செய்துள்ளது.

மேலும் மொத்த விலை பணவீக்க குறியீட்டு மார்ச் மாத்தில் 5.29 சதவீத்தில் இருந்து ஏப்ல் மாதத்தில் 3.85 சதவீதமாகக் குறைந்துள்ளது.

மொத்த விலை பணவீக்கம்

தற்போது வெளியிடப்பட்ட மொத்த விலை பணவீக்கம் என்பது புதுப்பிக்கப்பட்ட பணவீக்கமாகும். நாட்டின் தற்போதைய பொருளாதார வளர்ச்சிக்கு ஏற்ப மத்திய தொழிற்துறை கொள்கை மற்றும் மேம்பாட்டு அமைச்சகம் மொத்த விலை பணவீக்கத்தைக் கணக்கிடும் பட்டியலில் புதிய பொருட்களை இணைத்துள்ளனர்.

கலால் வரி நீக்கம்

அதேபோல் ஜிஎஸ்டி அமலாக்கத்தைக் கருத்தில் கொண்டு கணக்கிடும் பட்டியலில் இருந்து கலால் வரியை நீக்கப்பட்டுள்ளது. மேலும் இதனைச் சரியான முறையில் கணக்கிடவும் தனி ஆய்வுக்குழு அமைக்கப்பட்டுள்ளது.

ரிசர்வ் வங்கி

மேலும் அடுத்தச் சில மாதங்களுக்குள் ரிசர்வ் வங்கியின் நாணய கொள்கையில் பணவீக்கத்தைப் பாதிப்புகள் இல்லாத வகையில் இருக்கும் எனப் பொருளாதார வல்லுநர்கள் தெரிவித்துள்ளனர்.