ஜெர்மன் நாட்டின் முன்னணி ஆடம்பர கார் தயாரிப்பு நிறுவனமான மெர்சிடீஸ் பென்ஸ்-இன் இந்திய கிளை வியாழக்கிழமை தனது புதிய தாயரிப்புகளின் விலையை 7 லட்சம் ரூபாய் வரை குறைக்கப்பட்டுள்ளதை அறிவித்துள்ளது.
தற்போது ஷோரூம்களில் இருக்கும் விலையை விட இப்புதிய தயாரிப்புகளின் விலை குறைவாக இருப்பதற்கு மோடி அறிவித்த திட்டம் பெரிய அளவில் உதவியுள்ளது.
மேக் இன் இந்தியா
இந்தியாவில் உற்பத்தியும், ஏற்றுமதியையும் அதிகரிக்க மோடி தலைமையிலான மத்திய அரசு பல்வேறு சலுகைகளுடன் மேக் இன் இந்தியா திட்டத்தை அறிவித்தது.
இதன் பின் தற்போது ஜிஎஸ்டி மூலம் ஏற்பட்ட வரிமாற்றத்தின் வாயிலாக இந்தியா ஆடம்பர கார் ரகத்தில் இருந்த பென்ஸ் கார் விலை தற்போது 7 லட்சம் ரூபாய் வரை குறைந்துள்ளது.
பென்ஸ் மாடல்கள்
இந்நிறுவனம் இந்தியாவில் மேக் இன் இந்தியா திட்டத்தின் கீழ் சிஎல்ஏ, ஜிஎல்ஏ, சி கிளாஸ், ஈ கிளாஸ், எஸ் கிளாஸ், ஜிஎல்சி, ஜிஎல்ஈ, ஜிஎல்எஸ் மற்றும் மேபேச் ஆகிய மாடல்களைத் தயாரித்துள்ளது.
இந்த ரகக் கார்கள் அனைத்தும் தற்போது விலை குறைந்துள்ளது.
விலை சரிவு
தற்போதைய நிலையில் அனைத்து இந்திய தயாரிப்பு கார்களுக்குச் சராசரியாக 4 சதவீதம் அளவில் விலை குறைப்பை அறிவித்துள்ளோம். ஜிஎஸ்டி அமலாக்கத்திற்கு முன்பு புக் செய்யும் வாடிக்கையாளர்களுக்குக் கூடுதல் சலுகையும் அளிப்பதாக மெர்சிடீஸ் பென்ஸ் இந்தியா தெரிவித்துள்ளது.
2 முதல் 9 வரை
தற்போதுள்ள வரி விதிமுறைகள் படியும், மாநில வரி அளவுகளைக் கணக்கிட்டு 2 முதல் 9 சதவீதம் வரையிலான விலை சலுகையை அளிக்க முடிவு செய்துள்ளோம்.
ஜிஎஸ்டி
ஜிஎஸ்டி வரிச் சட்டத்தில் எஸ்யூவி கார்களுக்கு அதிகப்படியான 28 சதவீதம் வரி, 1 சதவீதம் செஸ், மற்றும் சிறிய பெட்ரோல் மற்றும் டீசல் கார்களுக்கு 3 சதவீதம் வரி விதிக்கப்பட்டுள்ளது.
அதேபோல் பெரிய மற்றும் ஆடம்பர கார்களுக்கு 15 சதவீதம் வரி விதிக்கவும் ஜிஎஸ்டி கவுன்சில் நிர்ணயம் செய்துள்ளது.