English हिन्दी ಕನ್ನಡ മലയാളം తెలుగు

யூபிஐ பரிவர்த்தனைக்கு வங்கிகள் கட்டணம் வசூலிக்க கூடாது : இந்திய தேசிய கொடுப்பனவுகள் கார்ப்பரேஷன்

Written By: Tamilarasu
Subscribe to GoodReturns Tamil

இந்திய தேசிய கொடுப்பனவுகள் கார்ப்பரேஷன் மத்திய வங்கியுடன் இணைந்து கொண்டு வரப்பட்ட யூபிஐ செயலி மூலம் செய்யப்படும் பரிவர்த்தனைகளுக்கு வங்கிகள் கட்டணம் வசூலிக்க முடிவு செய்துள்ளன.

இதனை அறிந்த இந்திய தேசிய கொடுப்பனவுகள் கார்ப்பரேஷன் யூபிஐ செயலிகள் மூலம் செய்யப்படும் பரிவர்த்தனைகளுக்குக் கட்டணம் வசூலிக்க வேண்டாம் என்று கோரிக்கை வைத்துள்ளது.

இது குறித்துத் தமிழ் குட்ரிட்டர்ன்ஸ் இணையதளத்திற்குத் தகவல் அளித்த மூத்த வங்கி அதிகாரி இந்திய தேசிய கொடுப்பனவுகள் கார்ப்பரேஷன் யூபிஐ செயலிகள் மூலமாகச் செய்யப்படும் பரிவர்த்தனைக்குக் கட்டணம் வசூலிக்க வேண்டாம் என்று வங்கிகளைக் கேட்டுக்கொண்டதாகத் தெரிவித்தார்.

யூபிஐ செயலி

யூபிஐ செயலி மூலமாக மின்னஞ்சல் போன்ற முகவரியை உள்ளிட்டு எளிதாகப் பணத்தைப் பரிமாற்றிக்கொள்ளலாம். இந்தச் செயலியை இந்திய முழுவதும் இப்போது 30க்கும் மேற்பட்ட வங்கிகள் அறிமுகப்படுத்தியுள்ள நிலையில் விரைவில் 50 வங்கி நிறுவனங்கள் யூபிஐ சேவையை அளிக்க இருக்கின்றன.

எச்டிஎப்சி வங்கி

இந்தியாவின் மிகப் பெரிய மற்றும் வேகமாக வளர்ந்து வரும் தனியார் வங்கி நிறுவனமான எச்டிஎப்சி வங்கி ஜூலை 10-ம் தேதி முதல் யூபிஐ பரிவர்த்தனைகளுக்குக் கட்டணம் வசூலிக்கப்படும் என்று அறிவித்துள்ளது.

கட்டணம் எவ்வளவு

எச்டிஎப்சி வங்கி யூபிஐ செயலி மூலமாகச் செய்யப்படும் 25,000 ரூபாய் வரையிலான பரிவர்த்தனைகளுக்கு 3 ரூபாய் உடன் சேவை வரியைக் கட்டணமாகச் செலுத்த வேண்டும் என்று அறிவித்துள்ளது.

25,000 ரூபாய் முதல் 1 லட்சம் ரூபாய் மதிப்பிலான பரிவர்த்தனைக்கு 5 ரூபாய் மற்றும் சேவை வரி கட்டணமாக வசூலிக்கப்படும்.

 

பிற வங்கிகள்

யூபிஐ செயலி பணப் பரிவர்த்தனை சேவையை வழங்கி வரும் பிற வங்கி நிறுவனங்களும் கட்டணம் வசூலிப்பது குறித்து விவாதித்து வருகின்றன.

டிஜிட்டல் பரிவர்த்தனை

வங்கிகள் இது போன்ற முடிவை எடுத்தால் அரசு கொண்டுதுள்ள டிஜிட்டல் பரிவர்த்தனை பெரிதளவில் பாதிக்கும் என்று வல்லுநர்கள் கருத்து தெரிவித்துள்ளனர்.

இந்திய தேசிய கொடுப்பனவுகள் கார்ப்பரேஷன் நிறுவனத்தைப் பொருத்த வரை ரொக்க பணத்தைப் பயன்படுத்துவதைத் தவிர்த்து டிஜிட்டல் பணப் பரிவர்த்தனையை ஊக்குவிப்பதே பிரதான பணியாக உள்ளது.

 

பிம்

யூபிஐ செயலிகள் மத்திய அரசு வெளியிட்டுள்ள பிஎச்ஐஎம் எனப்படும் பிம் செயலியிலும் தனது சேவையை அளிக்கின்றது.

பரிவர்த்தனைகளின் அளவு

சென்ற ஏப்ரல் மாதத்தில் மட்டும் 6.9 மில்லியன் யூபிஐ பரிவர்த்தனைகள் நடந்துள்ளதாகவும் அதன் மதிப்பு 2,200 கோடி ரூபாய் என்றும் இதுவே சென்ற 2016-ம் ஆண்டு நவம்பர் மாதம் 90 கோடியாக இருந்தது என்றும் 0.3 மில்லியன் பரிவத்தனைகள் மட்டுமே நடந்தது குறிப்பிடத்தக்கது.

தமிழ் குட்ரிட்டன்ஸ் செய்திகளை உடனுக்குடன் படிக்க
English summary

NPCI to ask banks not to charge UPI transactions

NPCI to ask banks not to charge UPI transactions
Story first published: Wednesday, June 7, 2017, 19:20 [IST]
Please Wait while comments are loading...
Company Search
Enter the first few characters of the company's name or the NSE symbol or BSE code and click 'Go'
Thousands of Goodreturn readers receive our evening newsletter.
Have you subscribed?

Find IFSC