இந்தியாவின் மூன்றாம் மிகப் பெரிய ஐடி நிறுவனமான விப்ரோ வியாழக்கிழமை வெளியிட்ட காலாண்டு அறிக்கையில் 8 சதவீதம் நிகர லாபத்தில் சரிவை சந்தித்துள்ளது என அறிவித்துள்ளது.
சென்ற நிதி ஆண்டில் இதே காலாண்டில் 2,267 கோடி ரூபாயாக இருந்த விப்ரோ நிறுவனத்தின் நிகர லாபம் 2017-ம் ஆண்டு முதல் காலாண்டில் 2,082.60 கோடியாகக் குறைந்துள்ளது.
வருவாய்
சென்ற ஆண்டு மார்ச் காலாண்டில் வருவாய் 13,987.50 கோடியாக இருந்தது. இதுவே 2017-ம் ஆண்டு முதல் காலாண்டில் 13,626.10 கோடியாகச் சரிந்துள்ளது.
ஐடி சேவை துறையில் எபிட் மார்ஜின் 18.8 சதவீதத்தில் இருந்து 16.8 சதவீதமாகச் சரிந்துள்ளது.
பங்குகளைத் திரும்ப வாங்கும் முடிவு
விப்ரோ நிறுவனம் 2017-ம் ஆண்டு 343.75 மில்லியன் பங்குகள் அதாவது 11,000 கோடி ரூபாய் மதிப்பிலான பங்குகளை 320 ரூபாய் ஒரு பங்கு என வங்க திரும்ப வாங்க முடிவு செய்துள்ளது
சென்ற நிதி ஆண்டு
இதே விப்ரோ நிறுவனம் சென்ற நிதி ஆண்டில் 40 மில்லியன் பங்குகளை 625 ரூபாய் ஒரு பங்கு என 2,500 கோடி ரூபாய் அளித்து வாங்கியது.
பங்குகளைத் திரும்ப வாங்க முடிவு செய்துள்ள பிற நிறுவனங்கள்
இன்ஃபோசிஸ், டிசிஎஸ், காக்னிசெண்ட், மைண்ட் டிரீ உள்ளிட்ட நிறுவனங்களும் பங்குகளை இந்த ஆண்டுத் திரும்ப வாங்கும் முடிவை எடுத்துள்ளன.