டெல்லி: உலக வங்கி நடப்பு நிதியாண்டில் இந்தியாவின் வளர்ச்சி 5.6 சதவீதமாக இருக்கும் என்று கணித்துள்ளது. மேலும் 2015-16ஆம் ஆண்டுகளில் இதன் வளர்ச்சி 6.4 சதவீதமாகவும், 2016-17ஆம் ஆண்டில் 7 சதவீதமாகவும் இருக்கும் என கணித்துள்ளது.
இந்தியாவில் வளர்ச்சிக்கான சாத்தியகூறுகள் அதிகளவில் உள்ளது, மேலும் அதிகப்படியான சேமிப்பு மற்றும் புதிய திட்டங்களின் மூலம் நாட்டின் வளர்ச்சி கணிப்புகளையும் தாண்டும் அளவிற்கு வளர வாய்ப்புள்ளது என உலக வங்கி தெரிவித்துள்ளது.
இந்தியா டெவலப்மெண்ட் அப்டேட்
இந்தியாவில் திறன், கல்வி, உள்நாட்டு சந்தையை ஒருங்கிணைக்கு பணி மற்றும் உற்பத்தியை அதிகரிக்கும் பணிகள் மிகவும் தீவரமாக நடந்து வருகிறது இதன் மூலம் அடுத்த 3 முதல் 5 வருடத்தில் நாட்டின் வளர்ச்சி மிகவும் சிறப்பாகவும், வல்லரசு நாடுகளுக்கு இணையாக போட்டி கொடுக்கும் நிலைக்கு உயரும் என உலக வங்கி, இந்தியா டெவலப்மெண்ட் அப்டேட் என்ற தலைப்பில் வெளியிட்ட அறிக்கையில் தெரிவித்துள்ளது.
வளர்ச்சியை தாக்கும் காரணிகள்
மேலும் நடப்பு நிதியாண்டில் இந்தியாவின் வளர்ச்சியை பாதிக்கும் வகையில், நிதி சந்தையின் பலவீனம், மந்தமான உலக பொருளாதார வளர்ச்சி, அதிகப்படியான எண்ணெய் விலை, உலக அரசியல் பிரச்சனைகள் உள்ளது குறிப்பிடதக்கது.
இந்தியாவில் என்ன பிரச்சனை??
உலகளவில் இந்தியாவின் வளர்ச்சியை பாதிக்கும் முக்கிய காரணிகளை பார்தோம், அப்ப இந்தியாவுல பிரச்சனையே இல்லையா???. இருக்கு மின் பற்றாக்குறை, குறைந்தபட்ச வருவாய் வசூல் மற்றும் 7வது சம்பள கமிஷன் ஆகியவை நாட்டின் வளர்ச்சிக்கு முக்கிய தடைகளாகும்.
வரிகள்
சரக்கு மற்றும் சேவை வரி அமல்படுத்துவதில் மாநில மற்றும் மத்திய அரசுகளுக்கும் உள்ள முறைமுக மற்றும் வெளிப்புற பிரச்சனைகள். GST வரி அமைப்பதன் மூலம் நாட்டின் போட்டித் தன்மை அதிகரிக்கும், மேலும் வருவாய் அதிகரிக்கும். இதுமட்டும் அல்லாமல் அன்னிய முதலீடு எளிதாக கவர முடியும்.