ஒரு கதை சொல்டா சார்.. சீனாவுக்கு இந்த ஒரு பொருள் மட்டும் ஏற்றுமதி 40 மடங்கு அதிகரிப்பு!

மேலும் இந்தியாவின் மொத்த பிசிபி ஏற்றுமதி மதிப்பான 1.9 பில்லியன் டாலரில் கிட்டத்தட்ட 80 சதவீதம் சீனாவுக்கு சென்றுள்ளது. இது வழக்கத்திற்கு மாறான ஒரு வளர்ச்சி மட்டும் அல்லாமல் இந்தியா இத்துறையில் எந்த அளவுக்கு வேகமாக உயர்ந்து வருகிறது என்பதையும் காட்டுகிறது.

இதேவேளையில் இந்தியா - சீனா மத்தியிலான வர்த்தகத்தில் எலக்ட்ரானிக்ஸ் பொருட்கள் முக்கிய பங்கீடு வகிக்கிறது, 2026ஆம் நிதியாண்டில் மட்டும் சுமார் 46.4 பில்லியன் டாலர் மதிப்பிலான எலக்ட்ரானிக்ஸ் பொருட்கள் இந்தியா சீனாவில் இருந்து இறக்குமதி செய்துள்ளது குறிப்பிடத்தக்கது.

இந்தியாவில் எலக்ட்ரானிக்ஸ் மற்றும் பிசிபி உற்பத்தியில் தமிழ்நாடு முக்கிய பங்கு வகிக்கும் நிலையில், சீனாவுக்கான ஏற்றுமதியிலும் தமிழ்நாடு பெரும் பங்கு வகிக்கிறது. தமிழ்நாட்டில் பிசிபி போர்ட் உற்பத்தியில் பெரிய நிறுவனங்களை தாண்டி சிறிய நிறுவனங்களும் அதிகளவில் உள்ளது. குறிப்பாக ஓசூர், சென்னை பகுதியில் MSME நிறுவனங்களாக இத்துறையில் பெரும் சக்தியாக உருவெடுத்து நிற்கிறது.

எந்தொரு எலக்ட்ரானிக்ஸ் பொருட்களாக இருந்தாலும் பிசிபி என்பது நரம்பு மண்டலம் போன்று, இது சரியாக வேலை செய்தால் மட்டுமே மொத்த சிஸ்டமும் வேலை செய்யும் இல்லையெனில் இந்த கருவி குப்பையில் தான் போட வேண்டும். இதேவேளையில் ஒரு எலக்ட்ரானிக்ஸ் குருவியில் பிசிபி-யின் மதிப்பீட்டின் பங்கும் மிகவும் சிறியது.

ஸ்மார்ட்போன், டிவி, லேப்டாப் முதல் அனைத்து எலக்ட்ரானிக்ஸ் பொருட்களிலும் இருக்கும் இந்த பிசிபி தயாரிப்பில் சீனாவை காட்டிலும் ஒரு படிக்கு மேல் தமிழ்நாடு இருக்கும் காரணத்தாலேயே (விலையிலும்) சீனா இந்தியாவில் இருந்தும், தமிழ்நாட்டில் இருந்தும் வாங்குகிறது. இதேபோல் 40 மடங்கு உயர்வு என்பது மிகப்பெரிய வளர்ச்சி, இந்த வளர்ச்சி தொடர்ந்தால் தமிழ்நாட்டில் அதிகம் வேலைவாய்ப்பு உருவாகும் துறையாக இது இருக்கும்.