Toll Pass விதிமுறைகளில் முக்கிய மாற்றம்: இனி சுங்கச்சாவடிகளில் பாஸ் கிடைக்காது என அறிவிப்பு..!!

அதாவது தானாகவே வாகன எண், ஃபாஸ்டேக் உள்ளிட்டவற்றை ஸ்கேன் செய்து கொள்ளும். இதனால் ஒவ்வொரு வாகனமும் ஃபாஸ்டேக் ஸ்கேனுக்காக காத்திருக்க வேண்டிய அவசியமில்லை. ஆனால், இந்த முறையின் கீழ் சுங்க கட்டணம் செலுத்தாத வாகனங்களுக்கு தானாகவே இ-நோட்டீஸ் அனுப்பப்படுகிறது. சுங்கச்சாவடி அருகே வசிப்பவர்கள் பலரும் பாஸ் இல்லாமல் சென்று வந்ததால், இவர்களுக்கு அதிக அளவில் அபராத நோட்டீஸ்கள் அனுப்பப்பட்டது.

அடுத்த 3 – 5 ஆண்டுகளுக்கு இது தான் தங்கம் விலை..!! அடித்து சொல்லும் நிபுணர்கள்..!!

இந்த பிரச்சினையை தவிர்க்கவே இந்த டிஜிட்டல் பாஸ் முறை அறிமுகம் செய்யப்பட்டுள்ளது.இதற்கு முன்பு, உள்ளூர் மக்கள் சுங்கசாவடி அலுவலகத்திற்கு நேரில் சென்று, தங்களின் குடியிருப்பு சான்றிதழ் மற்றும் வாகன ஆவணங்களை சமர்ப்பித்து பாஸ் பெற வேண்டியிருந்தது. இனி ராஜமார்க்கயாத்ரா செயலி மூலம் இந்த செயல்முறையை சில நிமிடங்களிலேயே டிஜிட்டல் முறையில் முடிக்கலாம்.

இந்த செயலி பயனரின் VAHAN தரவுத்தளத்தில் உள்ள முகவரி, வாகன எண் மற்றும் பாஸ்டேக் விவரங்களை சரிபார்த்து, தகுதியின் அடிப்படையில் பாஸை வழங்கும். இந்த டிஜிட்டல் லோக்கல் பாஸ் வசதி முதற்கட்டமாக, டெல்லியில் உள்ள முண்ட்கா-பக்கர்வாலா சுங்கச்சாவடியில் அறிமுகமாகியுள்ளது. வ்ரைவில் அனைத்து சுங்கச்சாவடிகளிலும் இந்த வசதி படிப்படியாக விரிவுபடுத்தப்படும் என தெரிவிக்கப்பட்டுள்ளது.

இந்தியாவில் குறைந்து வரும் வங்கி வேலைவாய்ப்புகள்: ரிசர்வ் வங்கி வெளியிட்ட அதிர்ச்சி ரிப்போர்ட்..!!

வணிகம் அல்லாத வாகனங்களை வைத்திருக்கும் உள்ளூர்வாசிகள், மாதத்திற்கு 350 ரூபாய் செலுத்தி இந்த லோக்கல் பாஸை பெறலாம். இதன் மூலம் அந்த மாதத்தில் எத்தனை முறை வேண்டுமானாலும் அந்த சுங்கச்சாவடி வழியாக தடையின்றி பயணம் செய்யலாம். தமிழகத்தில் நெமிலி , செனசமுத்திரம் மற்றும் பரனூர் உள்ளிட்ட பல சுங்கச்சாவடிகளில் தடையற்ற சுங்க வசூல் முறையை செயல்படுத்த ஒப்பந்தங்கள் வழங்கப்பட்டுள்ளன. எனவே விரைவில் இங்கும் ஆன்லைனில் பாஸ் பெறும் முறை நடைமுறைக்கு வர உள்ளது. சுங்கச்சாவடிகளுக்கு அருகில் வசிப்பவர்கள் இனி அலைச்சல் இல்லாமல் செயலி வழியாகவே பாஸ் பெற்று பயனடையலாம்.