காக்கும் கடவுளாக மாறும் அமெரிக்கா.. டிரம்ப் போட்ட திட்டம்.. ஈரான் செய்தால் தவறு, அமெரிக்கா செய்தால் பாதுகாப்பு

கடந்த 24 மணிநேரத்தில் அமெரிக்கா ஈரான் நாட்டில் கிஷ் தீவு, ஜாம் தீவு, கேஷ்ம் தீவு, புஷேர் மற்றும் பந்தர் அப்பாஸ் ஆகிய பகுதிகளில் பெரும் தாக்குதலை நடத்தியுள்ளது. இதேபோல் ஈரான் குவைத், பஹ்ரைன், ஓமான், ஜோர்டன் போன்ற நாடுகளில் இருக்கும் அமெரிக்க தளங்கள் மீது தாக்குதல் நடத்தியுள்ளது.

இந்த நிலையில் ஹார்முஸ் நீரிணையை அமெரிக்காவின் கட்டுப்பாட்டிற்குள் கொண்டு வர செவ்வாய்க்கிழமை 20 GMT மணிநேரத்தில் பிளாக்கேட் அமைக்கப்படும். இதன் மூலம் THE HORMUZ STRAIT-ன் கார்டியனாக அமெரிக்கா இருக்கும்.

இதேவேளையில் இவ்வழித்தடத்தில் பயணிக்கும் அனைத்து சரக்கு மற்றும் எண்ணெய் கப்பல்களுக்கும் முழுமையான பாதுக்காப்பை உறுதி செய்ய 20 சதவீதம் கட்டணம் வசூலிக்கப்படும் தெரிவித்துள்ளார் டிரம்ப். இந்த கட்டணம் தற்போதைய சூழ்நிலையில் பாதுகாப்பை உறுதி செய்ய மிகவும் அவசியமானது எனவும் தெரிவித்துள்ளார் டிரம்ப்.

அமெரிக்கா - ஈரான் மத்தியிலான பேச்சுவார்த்தையில் ஹார்முஸ்-ன் முழு கட்டுப்பாடு ஈரானுக்கு கிடைக்க வேண்டும் என்றும் இவ்வழியாக செல்லும் ஒவ்வொரு கப்பல் மீதும் கட்டணம் விதிக்கப்படும் என ஈரான் கூறிய போது அமெரிக்கா பெரும் எதிர்ப்பு தெரிவித்தது.

ஆனால் டிரம்ப் தற்போது இதே விஷயத்தை செய்கிறார், டிரம்ப்-ன் அறிவிப்பை தொடர்ந்து இந்த முடிவுக்கு ஐநா ஷிப்பிங் ஏஜென்சி கட்டணம் விதிப்பது தவறு என கூறி அறிக்கை வெளியிட்டு உள்ளது.