பெட்ரோல், டீசல் விலை இன்றும் உயர்ந்து புதிய உச்சத்தினை தொட்டது..!

சர்வதேச சந்தையில் கச்சா எண்ணெய் விலை தொடர்ந்து உயர்ந்து வரும் நிலையில் இந்தியாவில் பெட்ரோல் மற்றும் டீசல் விலையும் அதிரித்து வருகிறது.

இன்று அக்டோபர் 2-ம் தேதி சென்னையில் பெட்ரோல் விலை லிட்டர் ஒன்றுக்கு 17 பைசா உயர்ந்து 87.18 ரூபாய் என்றும் டீசல் லிட்டர் ஒன்றுக்கு 13 பைசா உயர்ந்து 79.57 ரூபாய் என்றும் விற்பனை செய்யப்பட்டு வருகிறது.

டெல்லி விலை நிலவரம்

டெல்லியில் பெட்ரோல் விலை லிட்டர் ஒன்றுக்கு 16 பைசா உயர்ந்து 83.85 ரூபாய் என்றும் டீசல் லிட்டர் ஒன்றுக்கு 12 பைசா உயர்ந்து 75.25 ரூபாய் என்றும் விற்கப்பட்டு வருகிறது.

மும்பை விலை நிலவரம்

மும்பையில் பெட்ரோல் விலை லிட்டர் ஒன்றுக்கு 90 ரூபாயினை கடந்து 91.20 ரூபாய் என்றும், டீசல் விலை 17 பைசா உயர்ந்து 79.89 ரூபாய் என்றும் விற்பனை செய்யப்படுகிறது.

தர்மேந்திர பிரதான்

கடந்த சில மாதங்களாக பெட்ரோல் மற்றும் டீசல் விலை தொடர்ந்து உயர்ந்து வருவதற்கு டாலருக்கு எதிரான இந்திய ரூபாய் மதிப்பு சரிவும் ஒரு முக்கிய காரணம் என்றும் பெட்ரோலிய துறை அமைச்சர் தர்மேந்திர பிரதான் தெரிவித்து இருந்தார்.

கச்சா எண்ணெய் விலை நிலவரம்

சர்வதேச சந்தையில் பிரெண்ட் கச்சா எண்ணெய் விலை பேரல் ஒன்றுக்கு 82.67 டாலர் என்றும், WTI கச்சா எண்ணெய் விலை பேரல் ஒன்றுக்கு 75.30 ரூபாய் என்றும் விற்பனை செய்யப்பட்டு வருகிறது.

தமிழ் குட்ரிட்டன்ஸ் செய்திகளை உடனுக்குடன் படிக்க