வாகன விற்பனையில் சரிவை தழுவிய டாடா மோட்டார்ஸ்!!

மும்பை: இந்திய ஆட்டோமொபைல் துறையில் முன்னணி நிறுவனமான டாடா மோட்டார்ஸ் நிறுவனத்தின் ஏப்ரல் மாத விற்பனை சுமார் 7.65 சதவீதம் குறைந்துள்ளது. இந்த சரிவில் டாடா மோட்டார்ஸ் விற்பனை உரிமை பெற்ற ஜக்குவார் மற்றும் லாண்ட் ரோவர், நிறுவன கார்களையும் சேர்த்து தான் குறிப்பிடபட்டுள்ளது. மேலும் ஏப்ரல் மாதத்தில் மட்டும் இந்நிறுவனம் 75,026 வாகனங்களை விற்றுள்ளது.

இதே காலகட்டத்தில் டாடா மோட்டார்ஸ் நிறுவனம் கடந்த வருடம் 81,241 வாகனங்களை விற்றது குறிப்பிடதக்கது.

பயணிகள் வாகனம்

இந்நிறுவன தயாரிப்புகளில், நடப்பு நிதியாண்டின் ஏப்ரல் மாதத்தில் சுமார் 41,272 பயணிகள் வாகனங்களை விற்றுள்ளது. இந்த எண்ணிக்கை கடந்த வருடத்தை விட 16.23 சதவீதம் அதிகமாகும்.

ஆரம்பர வாகனங்கள்

டாடா மோட்டார்ஸ் நிறுவனத்தின் ஆடம்பர கார்களான ஜக்குவார் மற்றும் லேண்டுரோவர் கார்கள் விற்பனையில் 39 சதவீதம் உயர்ந்து 40,137 வாகனங்களை விற்றுள்ளது.

வணிக வாகனங்கள்

இந்நிறுவணத்தின் வணிக வாகன பிரிவில் வெறும் 27,054 வாகனங்களை மட்டும் விற்பனை செய்துள்ளதால், விற்பனை வகிதம் 32.31 சதவீதம் சரிந்துள்ளது.

பங்கு வகிதம்

விற்பனையில் சரிவை கண்டதால் வர்த்தக சந்தை சிறப்பாக இருக்கும் இக்காலகட்டத்திலும் டாடா மோட்டார்ஸ் நிறுவன பங்குகள் 3.10 புள்ளிகள் சரிந்து 439.30 ரூபாய்க்கு விற்கப்படுகிறது.

தமிழ் குட்ரிட்டன்ஸ் செய்திகளை உடனுக்குடன் படிக்க