18 மாதத்தில் ரூ.36,000 கோடி கட்ட வேண்டும்.. சுப்ரதா ராய்-க்கு வந்த புதிய பிரச்சனை!

விசாரணை

நீதிபதிகள் டி.எஸ். தாகுர், ஏ.ஆர். தவே, ஏ.கே. சிக்ரி ஆகியோர் அடங்கிய அமர்வு முன்பு இந்த வழக்கு வெள்ளிக்கிழமை விசாரணைக்கு வந்தது.

சிக்கல்

சுப்ரதா ராய் சார்பில் மூத்த வழக்கறிஞர் கபில் சிபல் ஆஜரானார். ரூ. 5 ஆயிரம் கோடிக்கு வங்கி ஒப்புகை வழங்குவதில் சிக்கல் நிலவுவதாக அவர் கூறினார்.

வங்கிகள்

முன்பு உத்திரவாதம் அளிக்க முன் வந்த வங்கிகளும் செபியின் கட்டளை மற்றும் நிபந்தனைகளை ஏற்க மறுத்ததால், வங்கிகள் கடைசி நேரத்தில் பின்வாங்கியது.

சுப்ரதா ராய்

2014-ம் ஆண்டு மார்ச் 4-ம் தேதி சிறையில் அடைக்கப்பட்டார் 65 வயதாகும் சுப்ரதா ராய். முதலீட்டாளர்களிடம் திரட்டிய ரூ. 36 ஆயிரம் கோடியை, அவரை விடுவித்த 18 மாதங்களுக்குள் 9 தவணைகளில் செலுத்த வேண்டும் என நீதிமன்றம் கூறியது.

மீண்டும் ஜெயில்

சுப்ரதா ராய் சார்பில் அளிக்கப்படும் வங்கி பிணைத் தொகைகளை ஏற்கலாம் என்று செபி-க்கு நீதிமன்றம் அறிவுறுத்தியிருந்தது. இந்தத் தவணைத் தொகைகளைத் திரும்பச் செலுத்துவதில் 3 தவணைகள் தவறினால் அவர் மீண்டும் சிறைக்குச் செல்ல வேண்டும் என நீதிமன்றம் தெரிவித்திருந்தது.

விடுதலைக்குப் பின்

ராய் மற்றும் நிறுவன இயக்குநர்கள் இருவர் தங்களது பாஸ்போர்ட்டுகளை நீதிமன்றத்தில் ஒப்படைக்க வேண்டும். நீதிமன்ற அனுமதியின்றி அவர்கள் வெளிநாடு செல்லக்கூடாது என்று நீதிமன்றம் உத்தரவிட்டது.

வசதிகள்

நிதியை திரட்ட ஏதுவாகச் சுபத்ரா ராய் அவர்களுக்குச் சிறைச்சாலைக்குள் சுப்ரதா ராய்க்கு டெலிபோன் மற்றும் இணையதள வசதி அளிக்க உத்தரவிட்டது.

ரூ.10,000 கோடி

இந்த விவகாரத்தைத் தீர்க்க வேண்டுமெனில் சஹாரா குழுமம் ரூ. 10 ஆயிரம் கோடியை செலுத்தினால்தான் சுப்ரதா ராய் அவர்களை விடுதலை செய்ய முடியும் எனத் திட்டவட்டமாகத் தெரிவித்துவிட்டது.