'இன்போசிஸ்' நிறுவனத்திற்கு தாவும் 'விப்ரோ' உயர் அதிகாரி

சங்கீதா சிங்

விப்ரோ நிறுவனத்தில் 23 வருடம் பல முக்கியப் பதவிகளில் இருந்த சங்கீதா சிங் கடந்த டிசம்பர் மாதம் இந்நிறுவனத்தில் வெளியேறினார்.

இந்நிலையில் ஹெல்த்கேர் மற்றும் லைப்சையின்ஸ் பிரிவில் மிதமான தொடர் வளர்ச்சியைச் சந்தித்து வரும் இன்போசிஸ் நிறுவனத்தில் சங்கீதா சிங் இணையப்போவதை இன்போசிஸ் நிதிச்சேவை துறை தலைவர் மோஹித் ஜோஷி உறுதிப்படுத்தியுள்ளார்.

இன்போசிஸ்

இந்நிறுவனத்தின் ஹெல்த்கேர் மற்றும் லைப்சையின்ஸ் பிரிவின் வர்த்தகத்தை நிர்வாகம் செய்யும் பொறுப்பில் நியமிக்கப்படும் சங்கீதா சிங் அமெரிக்கா அல்லது ஐரோப்பிய நாடுகளில் சர்வதேச வர்த்தகத்தைக் கவனிப்பார் எனத் தெரிகிறது.

 

மனிஷ் டாடன்

ஹெல்த்கேர் மற்றும் லைப்சையின்ஸ் பிரிவின் தலைவராக இருந்த மனிஷ் டாடன் இன்போசிஸ் நிறுவனத்தை விட்டு வெளியேறி சிஎஸ்எஸ் கார்ப் நிறுவனத்தின் சீஇஓ-வாக இணைந்தார்.

மனிஷ் டாடன் வெளியேற்றத்தின் வாயிலாக உருவான காலி பணியிலேயே தற்போது சங்கீதா சிங் நியமிக்கப்படுகிறார்.

விஷால் சிக்கா

இன்போசிஸ் நிறுவனத்தில் விஷால் சிக்கா நியமனமே பல உயர் அதிகாரிகளின் வெளியேற்றத்தின் மூலம் நிகழ்த்தப்பட்ட நிலையில், இவரது நியமனத்திற்குப் பின் இன்போசிஸ் நிறுவனத்தில் காலங்காலமாக இருந்த பல அதிகாரிகள் தொடர்ந்து வெளியேறினர்.

அதிலும் கடந்த 6 மாத காலத்தில் இதன் எண்ணிக்கை மிகவும் அதிகமாக உள்ளது.

டிசம்பரில் இன்போசிஸ்

இந்நிலையில் 2016ஆம் ஆண்டு டிம்பர் மாதத்தில் சங்கீதா சிங் இன்போசிஸ் நிறுவனத்தில் இணைய உள்ளதாகச் செய்திகள் வெளியாகியுள்ளது. இதுகுறித்து இன்போசிஸ் மற்றும் சிங் ஆகிய இருதரப்பு உறுதி செய்யவில்லை.