பிரதமர் மோடி வெளியிட்டுள்ள ‘பாரத் இண்டர்ஃபேஸ் பார் மணி’ செயலி பற்றி தெரியுமா..?

வெள்ளிக்கிழமை பிரதமர் மோடி ஆதார் அட்டை மூலம் பண பரிவர்த்தனை செய்யக்கூடிய மொபைல் பண பரிவர்த்தனை செயலியை வெளியிட்டுள்ளார்.

இந்தச் செயலியின் மூலம் பண பரிவர்த்தனை செய்யும் போது டிஜி தன் மேலா போன்ற திட்டங்கள் இன்னும் வேகமாகப் பிரபலமாகும் என்று கூறப்படுகின்றது.

பிஎச்ஐஎம் செயலி

பிரதமர் மோடி வெளியிட்டுள்ள இந்தச் செயலியான பிஎச்ஐஎம் (BHIM -Bharat Interface for Money) யூபிஐ (UPI- unified payment interface) மற்றும் யுஎஸ்எஸ்டி (கட்டமைப்பற்ற கூடுதல் சேவைத் தரவு) செயலிகளின் மறு பதிப்பே ஆகும்.

இது குறித்து பேசிய பிரதமர் மோடி பிஎச்ஐஎம் செயலி பயன்படுத்துவதற்கு மிகவும் எளிது என்றும் விரல் ரேகை பயன்படுத்தி எளிதாக இயக்கலாம் என்றும் கூறியுள்ளார்.

இணையம் தேவையில்லை

ஸ்மார்ட் போன் அல்லது சாதாரண கைப்பேசி என இரண்டையும் பயன்படுத்தி 1000 ரூபாய் முதல் 2000 ரூபாய் வரை எளிதாக பிஎச்ஐஎம் செயலி மூலம் பண பரிவர்த்தனை செய்யலாம். இணைய வசதியும் தேவையில்லை. உங்கள் கையே இனி வங்கி என்றும் கூறினார்.

கிறிஸ்துமஸ் பரிசு

மேலும் லக்கி கிரக் யோஜனா மற்றும் டிஜிதன் வியாபார் யோஜானா இரண்டும் இந்திய மக்களுக்கான கிறிஸ்துமஸ் பரிசு என்று தெரிவித்தார்.

பரிசுகள்

வர இருக்கும் 100 நாட்களில் பல பரிசுகள் 1000 ரூபாய் முதல் குழுக்கள் முறையில் வழங்கப்படும். இதற்கான மெகா குழுக்கள் ஏப்ரல் 14-ம் தேதி அம்பேத்கர் பிறந்த நாள் என்று நடக்கும்.