தேங்காய், வாழை உற்பத்தியில் கேரளாவை முந்தியது தமிழ்நாடு..!

முதல் இடத்தில் இந்தியா

வாழைப்பழம் உற்பத்தியில் உலகளவில் அதிகம் உற்பத்தி செய்யும் நாடாக இன்று இந்தியா வளர்ந்துள்ளது. ஆனால் எந்தச் சிறு வெப்பமண்டல நாடுகளும் வாழைப்பழ உற்பத்தியில் பெரிதாக வளரவில்லை.

அதிக உற்பத்தி

2014-ம் ஆண்டு எந்த ஒரு நாடும் உற்பத்தி செய்யாத அளவிற்கு இந்தியா உற்பத்தி செய்து சாதனைப் படைத்தது. இந்தியாவில் உற்பத்தி செய்யப்படும் மொத்த பழங்களின் எண்ணிக்கையில் மூன்றில் இரு பங்காக வாழைப்பழம் உள்ளது.

வாழைப்பழம் அதிகம் உற்பத்தி செய்துள்ள இந்திய மாநிலங்கள்

தமிழ்நாடு-14.2 சதவீதம் , குஜராத் - 13.8 சதவீதம், ஆந்திர பிரதேசம் - 13.4 சதவீதம் என மூன்று மாநிலங்கள் மட்டும் இந்தியாவின் மொத்த வாழைப்பழம் உற்பத்தியில் 40 சதவீதத்தைப் பிடித்துள்ளன.

பிற மாநிலங்களின் நிலை

மேலே கூறிய மூன்று மாநிலங்களைத் தவிர்த்து பிற மாநிலங்கள் அனைத்தும் சேர்த்து 58.6 சதவீதம் வரை வாழைப்பழம் உற்பத்தியை அளிக்கின்றன.

கேரளா ஏன் முதல் இடத்தைப் பிடிக்கவில்லை?

வாழைப்பழ உற்பத்தியில் முதல் இடத்தைப் பிடித்து வந்த கேரளா சென்ற ஆண்டுப் பெய்ய வேண்டிய இரண்டு பருவமழை பெய்யாமல் ஆறு, ஏரிகள், குளங்கள் அனைத்தும் வறண்டு போய்க் குடி நீருக்குப் போராடும் நிலைக்குத் தள்ளப்பட்டுள்ளனர். இதுவே வாழைப்பழம் மற்றும் தேங்காய் மட்டும் இல்லாமல் மீன் உற்பத்தியும் 50 சதவீதம் குறைந்து இருப்பதற்காகக் கூறப்படுகின்றது.

தேங்காய் விளைச்சலில் கேரளாவை முந்திய தமிழகம்..!

தேங்காய் விளைச்சலில் இந்தியாவில் முதல் மநிலமாக இருந்த கேரளாவை முந்தியது தமிழகம். இந்தியாவின் மொத்த தேங்காய் விளைச்சலில் தமிழகம் 34 சதவீதத்துடன் முதல் இடத்திலும், கேரளா பின் தங்கி 24 சதவீத்துடன் இரண்டாம் இடத்திலும் உள்ளது.