தீபாவளி ஷாப்பிங் செய்ய எது பெஸ்ட்..? பிளிப்கார்ட் Vs அமேசான்

ஆன்லைன் ஷாப்பிங்

இந்தியாவில் மிகவும் வேகமாக வளர்ந்து வரும் துறைகளில் ஒன்றான ஈகாமர்ஸ் துறையில் தீபாவளி மற்றும் நவராத்திரி சிறப்புத் தள்ளுபடி விற்பனையாகப் பிளிப்கார்ட் பிக் பில்லியன் சேல், அமேசான் கிரேட் இந்தியன் பெஸ்டிவல் சேல் விற்பனையை அறிமுகம் செய்து கலக்கி வருகிறது.

தள்ளுபடி

பிளிப்கார்ட் மற்றும் அமேசான் அளித்து வரும் ஆஃபர்கள் மக்களைப் பொருட்களை வாங்க ஆர்வமூட்டுகிறது. நீங்கள் தீபாவளி ஷாப்பிங் செய்யும் முன் இந்த நிறுவனம் வர்த்தகத்தில் பெஸ்ட் என்பதைத் தெரிந்துகொள்ள வேண்டாமா..?

பிளிப்கார்ட் Vs அமேசான் எந்த நிறுவன பெஸ்ட்..?

பொருட்கள் எண்ணிக்கை

ஈகாமர்ஸ் தளத்தில் இருக்கும் பொருட்களின் எண்ணிக்கை மூலம் வாடிக்கையாளர்கள் ஒரு பிரிவில் பல பொருட்களின் மத்தியில் சிறந்த பொருட்களைத் தேர்வு செய்யலாம். ஆக அதிகமான பொருட்கள் இருக்கும் இடத்திலேயே வாடிக்கையாளர்களுக்குச் சிறந்த தேர்வாக இருக்கக் கூடும்.

பிளிப்கார்ட்: 8 கோடி
அமேசான் : 16 கோடி

நிதி சேகரிப்பு

வர்த்தகத்தை விரிவாக்கம் செய்ய இரண்டு நிறுவனங்களும் நிதியைத் திரட்டி வருகிறது. இப்பிரிவில் பிளிப்கார்ட் ஒரு படி மேல்.

பிளிப்கார்ட் 7 பில்லியன் டாலர்
அமேசான் 5 பில்லியன் டாலர்

விற்பனையாளர்கள்

பொருட்களின் எண்ணிக்கை போலவே விற்பனையாளர்களின் எண்ணிக்கையும் வாடிக்கையாளரின் சிறந்த சேவைக்கு ஒரு எடுத்துக்காட்டு.

பிளிப்கார்ட்: 1,60,000 விற்பனையாளர்கள்
அமேசான் 2,00,000 விற்பனையாளர்கள்

ஊழியர்கள்

பொதுவாக ஒரு நிறுவனம் வர்த்தக விரிவாக்கத்திற்கு ஏற்ப ஊழியர்களின் எண்ணிக்கையை அதிகரிக்கும். இதில் அமேசான் டாப்பு டக்கர்

பிளிப்கார்ட்: 27,000 ஊழியர்கள்
அமேசான்: 50,000 ஊழியர்கள்

சரக்கு கிடங்கு

ஈகாமர்ஸ் நிறுவனங்கள் மத்தியில் சரக்கு கிடங்கு மிகவும் முக்கியம், காரணம் இப்போது நீங்கள் வசிக்கும் நகரத்திலேயே சரக்கு கிடங்கு இருந்தால் நீங்கள் ஆர்டர் செய்த பொருட்கள் ஓரே நாளில் உங்களுக்குக் கிடைக்க அதிகளவிலான வாய்ப்புகள் உண்டு.

பிளிப்கார்ட்: 31 சரக்கு கிடங்கு
அமேசான்: 41 சரக்கு கிடங்கு

நிதிநிலைகள்

2015-16ஆம் நிதியாண்டில் பிளிப்கார்ட் மற்றும் அமேசான் நிறுவனங்கள் மத்தியில் மிகப்பெரிய வர்த்தகப் போட்டி நிலவியது. இக்காலகட்டத்தில் இரண்டு நிறுவனங்களும் அதிகளவிலான நஷ்டத்தைச் சந்தித்தது.

பிளிப்கார்ட்: 5,223 கோடி ரூபாய் நஷ்டம், 15,403 கோடி ரூபாய் மொத்த வருவாய்
அமேசான்: 3,572 கோடி ரூபாய் நஷ்டம், 2,275 கோடி ரூபாய் கமிஷன் வருவாய் மட்டும்.

சந்தை பங்கீடு

அதிகளவிலான நஷ்டத்தைச் சந்தித்தாலும் பிளிப்கார்ட் சந்தையில் அதிக வர்த்தகத்தையும், ஆதிக்கத்தையும் வைத்துள்ளது.

பிளிப்கார்ட்: 34 சதவீத சந்தை பங்கீடு
அமேசான்: 29 சதவீத சந்தை பங்கீடு

பிளிப்கார்ட் Vs அமேசான்

இன்றைய நிலையில் அனைத்துத் தரப்பு மக்களும் ஆன்லைன் ஷாப்பிங் செய்து வருகின்றனர். இதனால் அனைவருக்கும் இதில் நல்ல மற்றும் கசப்பான அனுபவங்களைச் சந்திருப்பீர்கள். இப்போது சந்தையில் பிளிப்கார்ட் மற்றும் அமேசான் நிறுவனங்களின் வர்த்தக நிலையையும் பார்த்துவிட்டோம்.

இப்போ சொல்லுங்க யார் பெஸ்ட்..?