கணிப்பை உடைத்தெறிந்த டிசிஎஸ்.. 6,446 கோடி ரூபாய் லாபத்துடன் அசத்தல்..!

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

இந்திய பங்குச்சந்தையில் அதிக மூலதனத்தைக் கொண்ட, நாட்டின் முன்னணி மென்பொருள் ஏற்றுமதி செய்யும் டாடா கன்சல்டன்சி சர்வீசஸ் நிறுவனம் செப்டம்பர் 30 உடன் முடிந்த காலாண்டில், சந்தை கணிப்புகளை விடவும் அதிகமான வருவாய் மற்றும் லாபத்தைப் பெற்று அசத்தியுள்ளது.

 

இதன் மூலம் வெள்ளிக்கிழமை வர்த்தகத்தில் டிசிஎஸ் நிறுவன பங்குகள் மீது வழக்கத்தை விடவும் கூடுதனால் முதலீட்டை பெற்று, அதிகளவிலான உயர்வை சந்திக்கும் என எதிர்பார்க்கப்படுகிறது.

மொத்த வருவாய்

மொத்த வருவாய்

செப்டம்பர் 30 உடன் முடிந்த காலாண்டில் டிசிஎஸ் நிறுவனத்தின் செயல்பாடுகள் மூலம் 30,541 கோடி ரூபாய் வருமானம் கிடைத்துள்ளது, இதர வழிகளில் 819 கோடி ரூபாய் என மொத்தம் 31,360 கோடி ரூபாய் மொத்த வருமானமாக இக்காலாண்டில் பெற்றுள்ளது டிசிஎஸ்.

 செலவினம்

செலவினம்

ஜூன் காலாண்டு விடவும் செப்டம்பர் காலாண்டில் அதிகளவிலான செலவினங்களைக் காட்டியுள்ளது டிசிஎஸ் நிறுவனம். இதன் மூலம் ஜூன் 30முடிவில் 22,670 கோடி ரூபாயாக இருந்த செலவினம் செப்டம்பர் காலாண்டில் 22,881 கோடி ரூபாயாக உயர்ந்துள்ளது.

லாபம்

லாபம்

இந்நிலையில் வரிக்கு முந்தைய லாபமாக இக்காலாண்டில் டிசிஎஸ் நிர்வாகம் 8,472 கோடி ரூபாய் பெற்றுள்ளது, வரிக்குப் பின் 6,460 கோடி ரூபாய் என்ற அளவில் பெற்று முதலீட்டாளர்களை மகிழ்வித்துள்ளது.

லாபத்தில் வளர்ச்சி
 

லாபத்தில் வளர்ச்சி

ஜூன் காலாண்டின் முடிவில் 5,950 கோடி ரூபாயாக இருந்த லாபம், செப்டம்பர் காலாண்டில் 6,460 கோடி ரூபாயாக உயர்ந்துள்ளது. கடந்த நிதியாண்டின் இதே காலகட்டத்தில் இது 6,603 கோடி ரூபாயாக இருந்தது குறிப்பிடத்தக்கது.

 ஈவுத்தொகை

ஈவுத்தொகை

இந்நிலையில் முதலீட்டாளர்களுக்கு ஈவுத்தொகையாக ஒரு பங்கிற்கு 7 ரூபாய் அளிக்க டிசிஎஸ் நிர்வாகம் ஒப்புதல் அளித்துள்ளது. இந்தப் பணம் நவம்பர் 1ஆம் தேதி முதலீட்டாளர்கள் கணக்கில் வைப்புச் செய்யப்படும்.

டிஜிட்டல் வருவாய்

டிஜிட்டல் வருவாய்

இக்காலாண்டில் டிசிஎஸ் நிறுவனத்தின் மொத்த வருவாயில் 19.7 சதவீதம் டிஜிட்டல் சேவையின் மூலம் கிடைத்துள்ளது. இது கடந்த வருடத்தை ஒப்பிடுகையில் சுமார் 31 சதவீதம் அதிகமாகும்.

வாடிக்கையாளர்கள்

வாடிக்கையாளர்கள்

செப்டம்பர் 30 உடன் முடிந்த காலாண்டில் டிசிஎஸ் 100 மில்லியன் டாலர் மதிப்பீட்டில் 1 வாடிக்கையாளரையும், 50, 20, 10 மில்லியன் டாலர் பிரிவில் 6 வாடிக்கையாளர்களைப் பெற்றுள்ளது.

1 மில்லியன் டாலர் மதிப்பீட்டில் சுமார் 28 வாடிக்கையாளர்களைப் பெற்று அசத்தியுள்ளது டிசிஎஸ்.

ஊழியர்கள் வெளியேற்ற விகிதம்

ஊழியர்கள் வெளியேற்ற விகிதம்

இந்நிறுவனத்தில் ஊழியர்கள் வெளியேற்ற விகிதம் கடந்த காலாண்டை விடவும் 0.3 சதவீதம் குறைந்து செப்டம்பர் காலாண்டில் 11.3 சதவீமாக உள்ளது.

மொத்த ஊழியர்கள் எண்ணிக்கை

மொத்த ஊழியர்கள் எண்ணிக்கை

செப்டம்பர் காலாண்டின் முடிவில் டிசிஎஸ் நிறுவனத்தின் மொத்த ஊழியர்கள் எண்ணிக்கை 3,89,213 ஆக உள்ளது. இக்காலாண்டில் மட்டும் புதிதாக 15,868 ஊழியர்கள் டிசிஎஸ் நிறுவனத்தில் சேர்ந்துள்ளனர்.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

Tata Consultancy Services 2nd quarter earnings beat analysts expectations

Tata Consultancy Services 2nd quarter earnings beat analysts expectations
Story first published: Thursday, October 12, 2017, 17:32 [IST]
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X