இந்தியாவின் ஸ்மார்ட்போன் தயாரிப்பு நிறுவனமான மைக்ரோமேக்ஸ் மற்றும் ஜப்பான் நாட்டின் முன்னணி நிறுவனமான சோனி நிறுவனங்களைப் பின்னுக்குத் தள்ளி அதிகளவிலான ஸ்மார்ட்போன்களை விற்பனை செய்துள்ளது ஓப்போ.
பாதிப்புகள்
ஓப்போ நிறுவனம் இந்த வருடம் செலவுகள் மற்றும் முதலீடுகளை அதிகளவில் குறைத்துள்ளது, அதுமட்டும் அல்லாமல் சியோமி நிறுவனத்தின் அதீத வளர்ச்சி இந்நிறுவனத்தை அதிகளவில் பாதித்துள்ளது. மேலும் இந்திய -சீனா நாடுகள் மத்தியிலான பிரச்சனையினாலும் இந்நிறுவனத்தின் வர்த்தகம் அதிகளவில் பாதித்தது.
வளர்ச்சி
இத்தகைய சூழ்நிலையிலும் 2017ஆம் நிதியாண்டில் ஓப்போ நிறுவனத்தின் விற்பனை 750 சதவீதம் அதிகரித்துள்ளது. இதனால் இந்திய ஸ்மார்ட்போன் சந்தையில் சீனா நிறுவனங்களின் ஆதிக்கம் குறையாமல் தொடர்ந்து உயர்ந்து வருகிறது.
விற்பனை
கடந்த வருடம் வெறும் 933.74 கோடி ரூபாய் அளவிலான விற்பனையை மட்டுமே செய்த நிலையில், இந்த வருடம் 754 சதவீதம் உயர்ந்து 7,974.29 கோடி ரூபாய் வரையில் உயர்ந்தது.
4 வருட வர்த்தகம்
ஓப்போ நிறுவனம் இந்தியாவில் தனது வர்த்தகத்தைத் துவங்கி 4 வருடங்கள் மட்டுமே ஆனா நிலையில் 1 பில்லியன் டாலர் வரையிலான முதலீடு செய்து இந்திய சந்தையில் மைக்ரோமேக்ஸ் மற்றும் சோனி நிறுவனங்களைக் கடந்த ஒரு வருடத்தில் பின்னுக்குத்தள்ளியுள்ளது.
விவோ..
ஓப்போ நிறுவனம் இந்தியாவில் விவோ நிறுவன ஸ்மார்ட்போன்களையும் விற்பனை செய்வது குறிப்பிடத்தக்கது.