பல்வேறு பிரச்சனைகள் மற்றும் கருத்து வேறுபாடுகளுக்கு மத்தியில் இன்போசிஸ் நிறுவனத்தில் புதிய சிஇஓவாக நியமிக்கப்பட்டுள்ள சலில் பாரிக் அவர்களுக்கான சம்பளத்தை இன்போசிஸ் நிர்வாகம் முடிவு செய்துள்ளது.
இன்போசிஸ் நிர்வாகம்
இன்போசிஸ் நிர்வாகம் இன்று வெளியிட்ட அறிவிப்பில் புதிதாக நியமிக்கப்பட்டுள்ள தலைமை நிர்வாக அதிகாரியாகச் சலில் பாரிக் 2018-19ஆம் நிதியாண்டில் நிலையான சம்பளமாக 6.5 கோடி ரூபாயும், வேரியபிள் பே பிரிவில் 9.75 கோடி ரூபாயும் பெறுவார் என அறிவித்துள்ளது.
முழுமையான சம்பள விபரம்
5 ஆண்டுக் காலத்திற்குப் பணிக்காலத்திற்குச் சிஇஓவாக நியமிக்கப்பட்டுள்ள சலில் பாரிக் அவர்களுக்கு 3.25 கோடி ரூபாய் மதிப்பிலான தடைசெய்யப்பட்ட பங்குகள், வருடாந்திர திறன் அடிப்படையில் பங்குகளாக 13 கோடி ரூபாய், ஒரு முறை பங்கு விநியோகமாக 9.75 கோடி ரூபாய்.
பங்கு அளிப்பு அளவீடுகள் அனைத்தும் பணிக்காலத்திற்கு ஏற்றார்போல் மாறுபடும் எனவும் இன்போசிஸ் நிர்வாகம் தெரிவித்துள்ளது.
விஷால் சிக்கா
இன்போசிஸ் நிறுவனர்களில் ஒருவரான நாராயணமூர்த்தி உடனான பிரச்சனையில் பதவியை ராஜினாமா செய்த முன்னாள் சிஇஓ விஷால் சிக்கா 2017ஆம் நிதியாண்டில் 6.75 மில்லியன் டாலரை சம்பளமாகப் பெற்றார்.
விப்ரோ
இதேபோல் இன்போசிஸ் நிறுவனத்தின் சக போட்டி நிறுவனமான விப்ரோ சிஇஓ அபிதலி நீமுச்வாலா 2 மில்லியன் டாலருக்கு அதிகமான சம்பளத்தை மட்டுமே பெற்றுள்ளார்.
செக்
மேலும் சலில் பாரிக் தனது பதவியை விட்டு 5 ஆண்டுகாலம் பணிக்காலத்திற்கு முன்பு வெளியேறினார், அதற்காகத் தனித் தொகை அளிக்க வேண்டும் என்றும் பணி நியமன ஆணையில் குறிப்பிட்டுள்ளது.
ஆனால் இந்தத் தொகை குறித்த தகவல்கள் கிடைக்கவில்லை.