டெலிகாம் சேவை நிறுவனமான ஐடியா தொடர்ந்து ஐந்தாவது காலாண்டாக நட்டம் ஏற்பட்டுள்ளதாக அறிவித்துள்ளது. இந்த நட்டத்திற்கு டெலிகாம் நிறுவனங்கள் இடையிலான இண்டர்கனக்ட் கட்டணத்தினைக் குறைத்ததே காரணம் என்றும் கூறியுள்ளனர்.
நட்டம்
டிசம்பர் மாதத்துடன் முடிவடைந்த 2017-2018 நிதி ஆண்டிற்கான மூன்றாம் காலாண்டில் 1,285 கோடி ரூபாய் நட்டம் அடைந்துள்ளதாகவும், இதே காலாண்டில் சென்ற வருடம் 384 கோடி ரூபாய் நட்டம் அடைந்து இருந்ததாகவும் புதன்கிழமை ஐடியா செல்லுலார் நிறுவனம் புதன் கிழமை அறிவித்துள்ளது.
கணிப்பு
ஐடியா நிறுவனம் சென்ற காலாண்டில் 1,280 கோடி ரூபாய் நட்டம் அடையும் என்று வல்லுநர்கள் கூறிய நிலையில் காலை முதலே பங்குகளின் விலை சரிந்து காணப்பட்டது.
வோடாபோன்
வோடாபோன் இந்தியா நிறுவனத்துடன் இணைந்து டெலிகாம் சேவையினை ஐடியா அளித்து வரும் நிலையில் 25 சதவீத வருவாய் சரிந்து 6,510 கோடி ரூபாயினைப் பெற்றுள்ளது.
பங்கு சந்தை
இன்றைய சந்தை நேர முடிவில் ஐடியா நிறுவனப் பங்குகளின் விலை 5.38 சதவீதம் என 5.35 புள்ளிகள் சரிந்து 94.05 புள்ளிகளாக வர்த்தகம் செய்யப்பட்டு இருந்தது.