ஜிஎஸ்டி அமலுக்கு வந்த பிறகு இறக்குமதி மற்றும் ஏற்றுமதி இரண்டும் சரிவு..!

2017-ம் ஆண்டு ஜூலை 1 முதல் இந்தியாவில் ஜிஎஸ்டி வரி ஆட்சி முறை அமலுக்குக் கொண்டு வரப்பட்டது. ஜிஎஸ்டி அமலுக்கு வந்த பிறகு இறக்குமதி மற்றும் நிகர ஏற்றுமதியானது உயரும் என்று எதிர்பார்க்கப்பட்டது.

ஆனால் 2017-2018 நிதி ஆண்டில் இறக்குமதி மற்றும் நிகர ஏற்றுமதி இரண்டு சரிவை சந்தித்துள்ளது எனப் பொருளாதார அறிக்கையில் குறிப்பிட்டுள்ளனர்.

ஏற்றுமதி

சில வருடங்களாக ஏற்றுமதி சரிந்து இருந்த நிலையில் 2016-2017 நிதி ஆண்டில் நேர்மறைக்குத் திரும்பியது. 2017-2018 நிதி ஆண்டில் இது அதிகரிக்கும் என்று எதிர்பார்க்கப்பட்ட நிலையில் பெரிய மாற்றம் ஏதும் இல்லை.

வரும் ஆண்டிற்கான நிகழ்ச்சி நிரல்

வரும் ஆண்டிற்கான நிகழ்ச்சி நிரல் - ஜிஎஸ்டியை உறுதிப்படுத்துதல், TBS நடவடிக்கைகளை நிறைவுசெய்தல், ஏர் இந்தியாவைத் தனியார்மயமாக்குதல் மற்றும் மிகப்பெரிய பொருளாதார வளர்ச்சி அச்சுறுத்தல்களைத் தடுப்பது குறித்த முடிவுகளை எடுக்கும் என்று பொருளாதாரச் சர்வேயில் கூறியுள்ளனர்.