இந்திய தனிநபர் அடையாள ஆணையம் வழங்கும் 12 இலக்க ஆதார் எண்ணைப் பள்ளி குழந்தைகள் பெற வேண்டும் என்றால் பள்ளி ஐடி கார்டினை அடையாள ஆவணமாகச் சமர்ப்பிக்கலாம் என்று தெரிவித்துள்ளனர்.
இதற்கான அறிவிப்பினை ஆதார் ஆணையமானது டிவிட்டர் மூலமாகத் தெரிவித்துள்ளது. 5 வயதுக்குள் உள்ள குழந்தைகளுக்கு ஆதார் ஆணையம் பால் ஆதார் என்றும் அன்மையில் நீல நிறத்தில் அறிமுகம் செய்துள்ளது.
முக்கிய ஆவணங்கள்
பள்ளி குழந்தைக்கு ஆதார் கார்டு பெற வேண்டும் என்றால் பிறப்புச் சான்றிதழ் மற்றும் பள்ளி ஐடி கார்டினை எடுத்துச் சென்று விண்ணப்பிக்கலாம்.
பெற்றோர்கள்
ஒரு அங்கிகாரத்திற்காக குழந்தையின் பெற்றோரில் ஒருவருடைய ஆதார் எண்ணை கொண்டு செல்ல வேண்டும்.
மொபைல் எண்
ஆதார் கார்டுக்கு விண்ணப்பிக்கும் போது பெற்றோரின் மொபைல் எண்ணை அளிக்கலாம்.
பையோமெட்ரிக்
ஐந்து வயதுக்குட்பட்ட குழந்தைகளுக்கு ஆதார் கார்டு பெற விண்ணப்பிக்கும் போது பெற்றோரின் பையோமெட்ரிக் விவரங்கள் தான் பெறப்படும். 5 வயதுக்கு அதிகமாக உள்ள குழந்தைகளுக்கு அவர்களின் பையோமெட்ரிக் விவரங்கள் பெறப்படும்.
உறுதி செய்தல்
ஆதர் கார்டுக்கு விண்ணப்பித்த உடன் ஒப்புகை சீட்டு அளிக்கப்படும். சரிபார்ப்புப் பணிகள் முடிந்த உடன் எஸ்எம்எஸ் மூலமாகத் தகவல்கள் தெரிவிக்கப்படும். எஸ்எம்எஸ் வந்த 60 நாளில் அதார் கார்டு விநியோகிக்கப்படும்.