இந்தியாவின் மிகப்பெரிய ஈகாமர்ஸ் நிறுவனமான பிளிப்கார்ட் தனது கிளை நிறுவனமான மின்திரா மற்றும் ஜபாங் நிறுவனத்தின் வர்த்தகத்தை மேம்படுத்தவதற்காகவும், விரிவாக்கப் பணிகளுக்காகவும் மிகப்பெரிய அளவில் முதலீடு செய்தள்ளது.
சிங்கப்பூர்
பிளிப்கார்ட் தனது சிங்கப்பூர் ஹோல்டிங் நிறுவனமான FK Myntra ஹோல்டிங் பிரைவேட் லிமிடெட் வாயிலாகச் சுமார் 176 மில்லியன் டாலரை மின்திரா, ஜபாங் நிறுவனத்தில் பிப்ரவரி மாதம் முதலீடு செய்துள்ளது.
பங்கு கைமாற்றம்
இந்த முதலீட்டுக்காக மின்திரா ஜபாங் பிரைவேட் லிமிடெட் நிறுவனம் சுமார் 7,17,429 பங்குகளை 245.26 டாலர் மதிப்பில் FK Myntra ஹோல்டிங் பிரைவேட் லிமிடெட்க்கு கொடுத்துள்ளது.
இதன் வயிலாகவே பிளிப்கார்ட் 176 மில்லியன் டாலரை இந்த நிறுவனங்கள் மீது முதலீடு செய்துள்ளது.
பெயர் மாற்றம்
ஜூலை 2017இல் மின்திரா தனது கிளை நிறுவனமான QuickRoutes Internet என்னும் நிறுவனத்தின் பெயரை மின்திரா ஜபாங் பிரைவேட் லிமிடெட் என மாற்றியது. இதற்கு முக்கியக் காரணமாக இப்புதிய நிறுவனம் ஈகாரமஸ் தளத்தில் B2B விற்பனையாளராகத் திகழ வேண்டும் என்பதற்காகத் தான்.
ஜபாங்
பிளிப்கார்ட் ஜபாங் நிறுவனத்தை 70 மில்லியன் டாலருக்கு கைப்பற்றிய பின்பு ஒரு வருடத்திற்குப் பின் இந்த முடிவை எடுத்துள்ளது குறிப்பிடத்தக்கது.