சென்னையில் பெட்ரோல் விலை வெள்ளிக்கிழமை புதிய உச்சத்தினை எட்டியுள்ளது. டெல்லியில் ஐந்து வருடங்கள் இல்லாத அளவிற்கு 74.08 ரூபாயாகப் பெட்ரோல் விலை உயர்ந்துள்ளது.
சென்னையில் வெள்ளிக்கிழமை பெட்ரோல் விலை 76.85 ரூபாய் என்றும், மும்பையில் 81.93 ரூபாய் என்றும், கொல்கத்தாவில் 81.93 ரூபாய் என்றும் விற்பனை செய்யப்பட்டு வருகிறது.
முந்தைய உச்சம்
இதற்கு முன்பு சென்னையில் 2014-ம் ஆண்டு ஜூலை மாதம் 76.93 ரூபாய் லிட்டர் பெட்ரோல் என்று விற்பனை செய்யப்பட்டு வந்தது. கொல்கத்தாவில் அதிகபட்சமாக 2014-ம் ஆண்டு ஆகஸ்ட் மாதம் 78.03 ரூபாய் என்றும், மும்பையில் 82.07 ரூபாய் என்றும் விற்பனை செய்யப்பட்டு வருகிறது.
டீசல் விலை
டீசல் விலையும் வெள்ளிக்கிழமை புதிய உச்சத்தினை எட்டியுள்ளது. சென்னையில் ஒரு லிட்டர் டீசல் 68.90 ரூபாய் என்றும் டெல்லியில் 63.51 ரூபாய் என்றும், கொல்கத்தாவில் 68.01 ரூபாய் என்றும், மும்பையில் 69.54 ரூபாய் என்றும் விற்பனை செய்யப்பட்டு வருகிறது.
கச்சா எண்ணெய்
கச்சா எண்ணெய்க்கு உலகம் முழுவதிலும் தேவை அதிகரித்துள்ள நிலையில் பெட்ரோல் ஏற்றுமதி செய்யும் நாடுகள் அதற்கு ஏற்றார் போல விலையை உயர்த்தி வருகிறன.
சர்வதேச சந்தை
2013-ம் ஆண்டு ஒரு பேரல் பிரெண்ட் கச்சா எண்ணெய் 100 அமெரிக்க டாலர்களாக இருந்தது. இன்று ஒரு பேரல் 73.56 அமெரிக்க டாலராக உள்ளது. இதுவே WTI கச்சா எண்ணெய் ஒரு பேரல் 68.29 அமெரிக்க டாலராக உள்ளது.