இந்திய ஐடி நிறுவனங்களைக் குறிவைக்கும் அமெரிக்க அரசு.. அதிர்ச்சி தகவல்..!

தொடர் மறுப்பு

அமெரிக்காவில் டிரம்ப் பதவியேற்றிய பின் ஹெச்1பி விசா மீது அடுத்தடுத்த கட்டுப்பாடுகளை விதித்து வருகிறார். இவை அனைத்தையும் பூர்த்திச் செய்யும் அளவிற்குத் தகுதியுடைய இந்தியர்கள் விண்ணப்பத்தை விசாவிற்காகக் கொடுத்தாலும் அதிகளவில் நிராகரிப்புச் செய்கிறது அமெரிக்கக் குடியுரிமை அமைப்பு.

அதிகளவிலான சரிவு

2015 மற்றும் 2017 இடையிலான காலத்தில் மட்டும் இந்தியாவின் முன்னணி 7 ஐடி நிறுவனங்கள் சமர்ப்பித்த ஹெச்1பி விசா விண்ணப்பங்களில் சுமார் 43 சதவீத விண்ணப்பங்கள் நிராகரிப்பு செய்யப்பட்டுள்ளது.

43 சதவீதம் சரிவு

அமெரிக்காவின் National Foundation for American Policy அமைப்பு வெளியிட்ட அறிக்கையில் 2017ஆம் ஆண்டில் மட்டும் இந்தியாவின் முன்னணி 7 ஐடி நிறுவனங்களுக்கு 8,468 விசா மட்டுமே வழங்கப்பட்டுள்ளது. இதை 2015ஆம் ஆண்டுடன் ஒப்பிட்டால் சுமார் 43 சதவீதம் சரிந்துள்ளது.

2015ஆம் நிதியாண்டில் 7 ஐடி நிறுவனங்கள் சுமார் 14,792 ஹெச்1பி விசாவை பெற்றுள்ளது.

டிசிஎஸ்

2015ஆம் நிதியாண்டில் டிசிஎஸ் 4,674 ஹெச்1பி விசா பெற்ற நிலையில், 2017இல் வெறும் 2,312 ஹெச்1பி விசா மட்டுமே பெற்றுள்ளது டிசிஎஸ். இது கிட்டதட்ட 51 சதவீத சரிவு.

பிற நிறுவனங்கள்

இக்காலகட்டத்தில் ஹெச்1பி விசா பெற்ற எண்ணிக்கையில் இன்போசிஸ் 57 சதவீதம் சரிந்துள்ளது. விப்ரோ பெற்ற விசா எண்ணிக்கை 3,079இல் இருந்து 1,210ஆகவும் குறைந்துள்ளது.

ஆனால் டெக் மஹிந்திரா மட்டும் 2015இல் வெறும் 1,576 விசா மட்டுமே பெற்ற நிலையில் 2017இல் 2,233 விசாகளைப் பெற்றுள்ளது.