பிம் செயலியில் அன்மையில் மத்திய அரசு கேஷ்பேக் சலுகைகள் அறிவித்துள்ள நிலையில் போன் பில், எரிவாயு, மின்சாரம், தண்ணீர் கட்டணங்கள் போன்றவற்றையும் செலுத்தலாம் என்றும் தெரிவித்துள்ளனர்.
இந்தப் புதிய சேவையானது ஆண்டிராய்டு மற்றும் ஐஓஎஸ் என இரண்டு வித இயங்குதளச் செயலிகளிலும் கிடைக்கும் என்றும் இதற்காகப் பில் செயலியை அப்டேட் எனப்படும் புதுப்பித்தல்-ஐ செய்தால் போதும் என்றும் தெரிவித்துள்ளனர்.
எந்தக் கட்டணங்களை எல்லாம் பிம் செயலி மூலம் செலுத்த முடியும்?
பிம் செயலியின் புதிய வசதிகள் மூலம் போஸ்ட்பெய்டு மொபைல் கட்டணம், போன் கட்டணம், பிராட்பேண்ட் கட்டணம், டிடிஎச், மின்சாரம், எரிவாயு மற்றும் தண்ணீர் பில் போன்றவற்றை எல்லாம் செலுத்தலாம் என்று தெரிவித்துள்ளனர்.
எப்படி இந்த அம்சத்தினைப் பயன்படுத்துவது?
பிம் செயலியில் இந்தச் சேவைகளைப் பெற "பணம் பரிமாற்றம் > பில் செலுத்துதல் > எனது பில் பிரிவு" என்பதைத் தட்டுவதும் மூலம் பயன்படுத்த முடியும்.
போஸ்ட்பெய்டு மொபைல் பில்
தற்போது வோடாபோன், ஐடியா, பிஎஸ்என்எல், மற்றும் டாடா டொகோமோ போஸ்ட்பெய்டு மொபைல் பில்ககளைச் செலுத்த முடிகிறது.
பிராட்பேண்டு பில்
கன்க்ட் பிராட்பேண்ட், ஹாத்வே, ஆக்ட் ஃபைபர் நெட் மற்றும் டிக்கோனா போன்ற பிராட்பேண்ட் சேவைகள் பில்களைச் செலுத்த முடிகிறது.
லேண்ட்லைன் பில்கள்
பிஎஸ்என்எல், எம்டிஎன்எல் மற்றும் டாடா டொகோமோ லேண்ட்லைன் பில்களையும் பிம் செயலி மூலம் செலுத்த முடிகிறது. விரைவில் பிற சேவைகளும் இதில் இணைக்கப்படும் என்று தமிழ் குட்ரிட்டர்ன்ஸ் தளத்திற்குக் கிடைத்த தகவல்கள் கூறுகின்றன.
பிம்
நேஷனல் பேமெண்ட்ஸ் கார்ப்ரேஷன் நிறுவனத்தினால் 2016-ம் ஆண்டு டிசம்பர் மாதம் அறிமுகம் செய்யப்பட்ட இந்தப் பிம் செயலி யூபிஐ சேவைகளின் கீழ் இயங்குகிறது. பிம் செயலியில் வங்கி கணக்கை இணைத்து, யூபிஐ ஐடி போன்றவற்றை உருவாக்கி எளிதாகப் பணத்தினை நொடிகளில் பிறருடன் பகிர முடியும்.