இந்தியாவிற்கு ‘டுயூட்டி பிரீ’ வேண்டுமா? அமெரிக்க ‘சீஸ்’க்கு சரி சொல்லுங்கள்.. வர்த்தகப் போர் ஏற்படும

வர்த்தகப் போர்

தற்போது டிரம்ப் தலைமையிலான அமெரிக்க அரசு தங்களுக்குக் கீழ் படியாத நாடுகள் மீது வர்த்தகப் போர் எடுத்து வரும் நிலையில் அதனைப் பயன்படுத்தி அமெரிக்கப் பால் பொருட்கள் உற்பத்தித் துறை மீண்டும் இந்தியாவில் கால் பதிக்க உள்ளது.

சைவம்

இந்தியாவில் பசுக்களுக்கு முழுமையாகச் சைவ உணவுகள் அளிக்கப்படும் நிலையில் அமெரிக்காவில் பசுக்களுக்கு அசைவம் சார்ந்த உணவுகள் அளிக்கப்படுவதாகவும் அதனால் தான் இந்தத் தடை விதிக்கப்பட்டுள்ளதாகவும் கூறப்படுகிறது.

தீர்வு

இந்திய அரசு அமெரிக்காவில் இருந்து பால் பொருட்களை இறக்குமதி செய்யத் தயார் என்றும் ஆனால் அமெரிக்காவில் பசுக்களுக்கு அளிக்கப்படும் இரத்த உணவு போன்ற சில வகை உணவுகளை நிறுத்த வேண்டும் என்று கோரிக்கை வைக்கப்பட்டுள்ளது என்று அமெரிக்க தேசிய வர்த்தக அறிக்கையில் குறிப்பிடப்பட்டுள்ளது.

குறியீடு

மேலும் இது போன்று அசைவ உணவுகள் அளிக்கப்பட்ட பசுக்களிடம் இருந்து பெறப்பட்ட பால் பொருட்களை விற்கும் போது அந்தத் தயாரிப்பின் பாக்கெட்களில் சிவப்பு நிற குறியீடு இருக்க வேண்டும் என்ற திட்டத்தினையும் மோடி தலைமையிலான அரசு தீர்வு அளித்துள்ளது.

கோழி கறி

அமெரிக்க நிறுவனங்கள் பதப்படுத்தப்பட்ட கோழி கறிகளை இந்தியாவில் விற்க இருந்த தடையினை உலக வர்த்தகச் சபையிடம் முறையிட்டு அனுமதி பெற்ற நிலையில் அதே போன்று பால் பொருட்களுக்கு எப்படியாவது அனுமதிகளைப் பெற வேண்டும் என்று அமெரிக்க அரசு முடிவு செய்துள்ளது.

இந்திய பால் சந்தை

இந்தியாவில் பால் பொருட்களுக்கு மிகப் பெரிய சந்தை உள்ள நிலையில் அதில் எப்படியாவது நுழைந்து விட வேண்டும் என்று அமெரிக்கப் பால் பொருட்கள் துறை முடிவு செய்துள்ளது. இதற்காகவே அமெரிக்க தேசிய பால் உற்பத்தி கூட்டமைப்பு டிரம்ப் அரசுக்கு அழுத்தம் அளித்து டுயூட்டி பிரீயை நீக்குவதாக வர்த்தகப் போர் செய்யும் படி கூறி வருகிறது.