ஒரு வாரத்தில் ரூபாய் மதிப்பு 70ஐ தொடும்.. அச்சத்தில் வர்த்தகச் சந்தை..!

அமெரிக்கச் சந்தை தொடர்ந்து வலிமைப் பெற்று வரும் நிலையில், அமெரிக்க டாலருக்கு எதிரான இந்திய ரூபாயின் மதிப்பு இந்த வாரத்தில் 70 என்ற நிலையை எட்டும் எனக் கணிப்புகள் வெளியாகியுள்ளது.

இக்காலத்தில் இந்திய சந்தையில் அன்னிய முதலீடு அதிகளவில் குறையும் என எதிர்பார்க்கப்படுகிறது, மேலும் கச்சா எண்ணெய் விலை குறையாமல் இருக்கும் காரணத்தால் இந்திய நாணய மதிப்பு அதிகளவில் பாதிக்கப்படும் எனத் தெரிகிறது.

மேலும் நாட்டின் பொருளாதாரத்திற்கு 70 ரூபாய் மதிப்பு என்பது மோசமான நிலையை உருவாக்கிவிடும். இதற்காக ரிசர்வ் வங்கி தற்போது ரூபாய் மதிப்பை உயர்த்தப் பல முயற்சிகள் செய்து வந்தாலும், இந்தியாவில் டாலர் தேவை அதிகமாக இருக்கும் காரணத்தாலும், கச்சா எண்ணெய் விலை குறையாமல் இருக்கும் காரணத்தாலும் தொடர்ந்து ரூபாய் மதிப்பு சரிந்து வருகிறது.

ஜூன் 28ஆம் தேதி அமெரிக்க டாலருக்கு எதிரான இந்திய ரூபாயின் மதிப்பு 69.10 ரூபாயாக இருந்தது குறிப்பிடத்தக்கது.