உணவுப் பொருட்கள், எண்ணெய் விலை போன்றவற்றால் மொத்த விலை குறியீடு மீதான பணவீக்கம் 4.5 வருடம் இல்லாத அளவிற்கு உயர்ந்து மே மாதம் 4.43 சதவீதமாக இருந்த நிலையில் ஜூன் மாதம் 5.77 சதவீதமாக உயர்ந்துள்ளது. இதுவே 2017-ம் ஆண்டு ஜூன் மாதம் மொத்த விலை குறியீடு 0.90 சதவீதமாக இருந்தது.
ஒட்டுமொத்த விலை குறியீடு
ஒட்டுமொத்த விலைக் குறியீட்டால் கணக்கிடப்பட்ட மொத்த பணவீக்க வீதமானது (WPI), வணிகர்களுக்கான மொத்த வாங்குதலில் விலை இயக்கங்களுக்கான ஒரு குறியீடு ஆகும். இதுவே ஏப்ரல் மாதம் 3.62 சதவீதமாகவும், மார்ச் மாதம் 3.18 சதவீதமாகவும் இருந்தது.
காய்கறி விலை மீதான பணவீக்கம்
காய்கறி விலை மீதான பணவீக்கம் மே மாதம் 2.51 சதவீதமாக இருந்த நிலையில் ஜூன் மாதம் 8.12 சதவீதமாக உயர்ந்துள்ளது. மே மாதம் உருளைக் கிழங்கு மீதான பணவீக்கம் 81.93 சதவீதமாக இருந்த நிலையில் ஜூன் மாதம் 99.02 சதவீதமாக உள்ளது.
பருப்பு வகைகள் மீதான பணவீக்கம்
பருப்பு வகைகள் மீதான பணவீக்கம் மே மாதம் (-)21.13 சதவீதமாக இருந்த நிலையில் ஜூன் மாதம் (-)20.23 சதவீதமாக உள்ளது.
எண்ணெய் மற்றும் மின்சாரம் மீதான பணவீக்கம்
எண்ணெய் மற்றும் மின்சாரம் மீதான பணவீக்கம் மே மாதம் 11.22 சதவீதமாக இருந்த நிலையில் ஜூன் மாதம் 16.18 சதவீதமாக உள்ளது.
பெட்ரோல் மீதான பணவீக்கம் மே மாதம் 13.90 சதவீதமாக இருந்த நிலையில் ஜூன் மாதம் 17.45 சதவீதமாக உயர்ந்தது. இதுவே டீசல் மீதான பணவீக்கம் மே மாதம் 17.34 சதவீதமாக இருந்த நிலையில் ஜூன் மாதம் 21.63 சதவீதமாக உள்ளது.
சில்லறை பணவீக்கம்
சென்ற வாரம் மத்திய அரசு சில்லறை பொருட்கள் மீதான பணவீக்கம் குறித்துத் தரவை வெளியிட்ட போது ஜூன் மாதம் 5 சதவீதமாக உயர்ந்து இருந்தது, இதுவே மே மாதம் 4.87 சதவீதமாக இருந்தது.