உலகின் மிகப் பெரிய இரண்டு சக்கர வாகன நிறுவனமான ஹீரோ மோட்டோ கார்ப்பின் வருவாய் எதிர்பார்த்ததை விட ஜூன் காலாண்டில் குறைந்துள்ளதாகப் புதன் கிழமை தெரிவித்துள்ளனர்.
சென்ற ஆண்டு ஜூன் மாதத்துடன் முடிவடைந்த காலாண்டில் 81753.53 கோடி ரூபாய் வருவாயினைப் பெற்று இருந்த நிலையில் 2018-2019 நிதி ஆண்டின் முதல் காலாண்டில் 8,925.55 கோடி வருவாயினை ஈட்டியுள்ளது.
செலவு
வருவாய்க்கு ஏற்றவாறு செலவு அதிகரித்துள்ளது. சென்ற ஆண்டின் முதல் காலாண்டில் 7,460.45 கோடி ரூபாய் செலவு செய்த நிலையில் 2018-2019 நிதி ஆண்டில் 7,582.81 கோடி ரூபாயினைச் செலவு செய்துள்ளது.
வரி செலுத்திய பிறகு பெற்ற வருவாய்
ஹீரோ மோட்டோ கார்ப் நிறுவனத்தின் வரி செலுத்திய பிறகான லாபம் 909.17 கோடி ரூபாய் ஆகும். இதுவே சென்ற ஆண்டின் முதல் காலாண்டில் 914.04 கோடி ரூபாயினை லாபமாகப் பெற்று இருந்தது.
பங்குகள் மீதான லாபம்
ஹீரோ மோட்டோ கார்ப் நிறுவனத்தின் 2 ரூபாய் மதிப்பிலான ஒரு பங்கு 45.52 ரூபாய் என லாபம் அளித்துள்ளது. இதுவே சென்ற ஆண்டு 75.77 ரூபாயாக லாபத்தினை அளித்து இருந்தது.