இந்தியாவில் பெட்ரோல் மற்றும் டீசல் விலை தொடர்ந்து வரலாறு காணாத விதமாக உயர்ந்து வரும் நிலையில் மொபைல் வாலெட் நிறுவனங்கள் சலுகைகளை அதிகரித்துள்ளன.
இன்று(16/09/2018) சென்னையில் பெட்ரோல் லிட்டர் ஒன்றுக்கு 85.15 ரூபாய் என்றும், டீசல் லிட்டர் ஒன்றுக்கு 77.94 ரூபாய் என்றும் விற்பனை செய்யப்பட்டு வருகிறது. எனவே இங்குப் பேடிஎம் அளிக்கும் 7500 ரூபாய் மதிப்பிலான சலுகை மற்றும் அதனை எப்படிப் பெறுவது என்று இங்கு விளக்கமாகப் பார்க்கலாம்.
ரூ. 7,500 கேஷ்பேக்
பேடிஎம் வாலெட் மூலம் பெட்ரோல் நிலையங்களில் குறைந்த 50 ரூபாயினை paytm.com என்ற இணையதளம் வழியாகக் கட்டணம் செலுத்த வேண்டும்.
சலுகை காலம்
பேடிஎம் நிறுவனம் இந்த 7500 ரூபாய் மதிப்பிலான சலுகையினை 2019 ஆகஸ்ட் 1-ம் தேதி வரை வழங்குகிறது.
ப்ரோமோ குறியீடு
பேடிஎம் ப்ரோமோ குறியீடு பரிவர்த்தனை செய்த 48 மணிநேரத்தில் எஸ்எம்எஸ் வழியாக அனுப்பப்படும். அந்தக் குறியீட்டினை எஸ்எம்எஸ் வழியாகப் பெற்ற வாடிக்கையாளர் மட்டுமே பயன்படுத்த முடியும்.
சலுகையில் பங்கேற்பது
முதல் பரிவர்த்தனை, 11 வது பரிவர்த்தனை, 21 வது பரிவர்த்தனை, 31 வது பரிவர்த்தனை மற்றும் 41 வது பரிவர்த்தனையின் போது எல்லாம் இந்தச் சலுகையில் வாடிக்கையாளர்களால் பங்கேற்க முடியும்.
பல பரிவர்த்தனைகள் செய்தாலும் வாரத்தின் முதல் பரிவர்த்தனைக்கு மட்டுமே இந்தச் சலுகை கிடைக்கும் என்றும் பேடிஎம் தெரிவித்துள்ளது.