அக்டோபர் மாதம் மொத்த விலை பணவீக்கம் 5.28 சதவீதமாக உயர்ந்துள்ளது. இதுவே செப்டம்பர் மாதம் 5.13 சதவீதமாகவும் சென்ற ஆண்டு அக்டோபர் மாதம் 3.68 சதவீதமாக இருந்தது புதன்கிழமை அரசு வெளியிட்ட தரவுகள் கூறுகின்றன.
உணவு பொருட்கள், தானியங்கள், நெல், வெங்காயம், உணவு மற்றும் பால் போன்ற பொருட்களின் மொத்த விலை பணவீக்கம் அக்டோபர் மாதம் 1.79 சதவீதம் உயர்ந்து 3.72 சதவீதமாக உள்ளது.
பெட்ரோல், டீசல் மற்றும் சமையல் எரிவாயு உள்ளிட்ட பொருட்கள் மீதான பணவீக்கம் 19.85 சதவீதமாக உள்ளது. இதுவே செப்டம்பர் மாதம் 16.65 சதவீதமாக இருந்தது.
இந்தியாவின் சில்லறை பணவீக்கம் அக்டோபர் மாதம் 3.31 சதவீதமாகக் குறைந்தது. இதுவே செப்டம்பர் மாதம் 3.70 சதவீதமாக இருந்தது.
நுகர்வோர் விலை குறியீட்டின் செப்டம்பர் மாதம் பணவீக்கம் சென்ற ஆண்டு 3.58 சதவீதமாக இருந்தது. ரிசர்வ் வங்கி மிக முக்கியமாகக் கண்காணிக்கும் குறியீடுகளில் ஒன்று நுகர்வோர் விலை குறியீடாகும்.
மத்திய வங்கி ஜூலை செப்டம்பர் மாத காலாண்டில் 3.7 சதவீதமாகச் சில்லைரை பணவீக்கம் இருக்கும் கணித்து இருந்தது. இதுவே ஜனவரி மார்ச் காலாண்டில் 3.8 முதல் 4.5 சதவீதமாக இருக்கும் என்றும் கணித்துள்ளது.
செப்டம்பர் மாதம் தொழில் துறை வளர்ச்சி 4.5 சதவீதமாக இருந்தது என்று அரசு வெளியிட்டுள்ள தரவுகள் கூறுகின்றன.